1 ЛЕТАПІСАЎ 9 - Б?бл?я (пераклад А.Бокуна)（BBB）

1 І ўсе Ізраільцяне былі ўнесены ў сьпіс; і вось яны запісаныя ў кнігу валадароў Ізраіля і Юды, і былі пераселены ў Бабілон за правіны свае.

2 І яны жылі перш ва ўласнасьці сваёй у гарадах сваіх: Ізраільцяне, сьвятары, лявіты і нэтынэі.

3 У Ерусаліме жылі з сыноў Юды, з сыноў Бэн’яміна, з сыноў Эфраіма і Манасы:

4 Утай, сын Амігуда, сына Амры, сына Імры, сына Бані, з сыноў Пэрэса, сына Юды;

5 з Шылоні і Асая, першародны, і сыны ягоныя.

6 З сыноў Зэраха: Еўэль і браты іхнія, — шэсьцьсот дзевяноста.

7 З сыноў Бэн’яміна: Сальлю, сын Мэшуляма, сына Гадавіі, сына Хасэнуі;

8 і Іўнэя, сын Ерахама, і Эла, сын Узі, сына Міхры, і Мэшулям, сын Шэфатыі, сына Рэўэля, сына Іўнія,

9 і браты іхнія, паводле радаводаў іхніх — дзевяцьсот пяцьдзясят шэсьць. Усе гэтыя мужы — галовы бацькоў у доме бацькоў сваіх.

10 А са сьвятароў: Едая, Егаярыў і Яхін,

11 і Азарыя, сын Хілкіі, сына Мэшуляма, сына Цадока, сына Мэраёта, сына Ахітува, начальнік у Доме Божым,

12 і Адая, сын Ерахама, сына Пашхура, сына Малькіі, і Масая, сын Адыэля, сына Яхзэра, сына Мэшуляма, сына Мэшылеміта, сына Імэра,

13 і браты іхнія, галовы дому бацькоў сваіх — тысяча сямсот шэсьцьдзясят, магутныя, спрытныя ў працы служэньня ў Доме Божым.

14 А з лявітаў: Шэмая, сын Хашува, сына Азрыкама, сына Хашавіі, з сыноў Мэрары;

15 і Бакбакар, Хэрэш, Галял, Маттанія, сын Міхі, сына Зіхры, сына Асафа;

16 і Абадыя, сын Шэмаі, сына Галяла, сына Едутуна, і Бэрэхія, сын Асы, сына Эльканы, які жыў у вёсках Нэтафацянаў.

17 І прыдзьвернікі: Шальлюм, Акуў, Тальмон, Ахіман і браты іхнія; Шальлюм — галоўны,

18 і аж дагэтуль ён у браме валадарскай, якая на ўсход, яны — прыдзьвернікі паводле чаргі сыноў Левія.

19 Шальлюм, сын Карэ, сына Эвіясафа, сына Караха, і браты ягоныя з дому бацькі ягонага, Карахічы пры выкананьні служэньня, вартаўнікі парогаў Намёту, а бацькі іхнія былі пры табары ГОСПАДА вартаўнікамі ўваходу.

20 А Пінхас, сын Элеазара, уперад быў начальнікам над імі, і ГОСПАД быў з ім.

21 Захарыя, сын Мэшэлеміі — прыдзьвернік уваходу Намёту Спатканьня.

22 Усіх выбраных на прыдзьвернікаў у парогах — дзьвесьце дванаццаць. Яны запісаныя ў сьпісе паводле радаводаў вёсак сваіх. Іх прызначыў Давід і Самуэль відушчы за вернасьць іхнюю.

23 І яны, і сыны іхнія — прыдзьвернікі ГОСПАДА, пры доме Намёту, каб на варце.

24 Яны былі прыдзьвернікамі з чатырох бакоў: з усходу, з захаду, з поўначы і з поўдня.

25 А браты іхнія з вёсак сваіх мелі прыходзіць на сем дзён ад часу да часу, каб быць з імі;

26 бо за вернасьць былі гэтыя чатыры кіраўнікамі прыдзьвернікаў. Лявіты і яны былі над каморамі і над скарбніцамі Дому Божага.

27 І каля Дому Божага яны начавалі, бо гэта вартаваньне было на іх, і яны адчынялі яго кожную раніцу.

28 І з іх былі пры начыньнях для служэньня, бо яны пад лік уносілі іх і выносілі іх.

29 І з іх клапаціліся пра начыньні, пра ўсе начыньні сьвятыні, і пра муку, і віно, і алей, і кадзіла, і пахошчы.

30 І з сыноў сьвятарскіх былі складальнікі масьцяў з пахошчаў.

31 Матытыя з лявітаў, першародны Шальлюма Карахіча, быў верным у прыгатаваньні печанага.

32 І з сыноў Кегата, з братоў іхніх былі за хлябы пакладныя, каб гатаваць іх кожную суботу.

33 А сьпевакі, галовы бацькоў лявітаў, ў пакоях варты начной, дзень і ноч былі на служэньні сваім.

34 Гэта галовы бацькоў лявітаў паводле радаводаў сваіх. Гэтыя галовы жылі ў Ерусаліме.

35 У Гібэоне жылі: бацька Гібэону Еэль, імя жонкі ягонай Мааха,

36 і сын ягоны, першародны Абдон, Цур, Кіш, Баал, Нэр, Надаў,

37 Гедор, Ах’ё, Захарыя і Міклот.

38 Міклот нарадзіў Шымеама. І яны насупраць братоў сваіх жылі ў Ерусаліме, разам з братамі сваімі.

39 Нэр нарадзіў Кіша, Кіш нарадзіў Саўла, Саўл нарадзіў Ёнатана, Малькішуа, Абінадава і Эшбаала.

40 Сын Ёнатана: Мэрыб-Баал; Мэрыб-Баал нарадзіў Міху.

41 Сыны Міхі: Пітон, Мэлех, Тахрэя.

42 Ахаз нарадзіў Яара; Яар нарадзіў Алемэта, Азмавэта і Зімры, Зімры нарадзіў Моцу;

43 Моца нарадзіў Бінэю; сын ягоны Рэфая; сын ягоны Элеаса, сын ягоны Ацэль.

44 У Ацэля шэсьць сыноў, і вось імёны іхнія: Азрыкам, Бахеру, Ізмаэль, Шэарыя, Абадыя і Ханан. Гэта сыны Ацэля.