НЭЭМІЯ 12 - Б?бл?я (пераклад А.Бокуна)（BBB）

1 Вось сьвятары і лявіты, якія прыйшлі з Зэрубабэлем, сынам Шэалтыэля, і з Ешуа: Сэрая, Ярэмія, Эзра,

2 Амарыя, Малух, Хаттуш,

3 Шэханія, Рэхум, Мэрэмот,

4 Іддо, Гінетой, Абія,

5 Міямін, Маадыя, Більга,

6 Шэмая, Еярыў, Едая,

7 Салу, Амок, Хількія, Едая. Гэта галовы сьвятароў і браты іхнія ў дні Ешуа.

8 І лявіты: Ешуа, Біннуй, Кадміэль, Шэрэвія, Юда, Маттанія, які гімнамі падзякі, ён і браты ягоныя.

9 А Бакбукія і Уньні, і браты іхнія насупраць іх на варце паводле чаргі.

10 І Ешуа нарадзіў Ёякіма, Ёякім нарадзіў Эліяшыва, Эліяшыў Ёяду,

11 Ёяда нарадзіў Ёнатана, Ёнатан нарадзіў Яддуя.

12 А ў дні Ёякіма былі сьвятары галовамі бацькоў: у Сэраі — Мэрая, у Ярэміі — Хананія,

13 у Эзры — Мэшулям, у Амарыі — Ёгаханан,

14 у Малуха — Ёнатан, у Шэваніі — Язэп,

15 у Харыма — Адна, у Мэраёта — Хэлкай,

16 у Іддо — Захарыя, у Гінэтона — Мэшулям,

17 у Абіі — Зіхры, у Мін’яміна і Маода — Пілтай,

18 у Більгі — Шамуа, у Шэмаі — Еганатан,

19 у Ёярыва — Матэнай, у Едаі — Узьзі,

20 у Салая — Калай, у Амока — Евэр,

21 у Хількіі — Хашавія, у Едая — Натанаэль.

22 Лявіты, галовы бацькоў былі запісаныя ў дні Эліяшыва, Ёяды, Ёханана і Яддуа, а сьвятары — за валадараньня Дарыя Пэрса.

23 Сыны Левія, галовы бацькоў, былі запісаныя ў кнігу летапісу аж да дзён Ёханана, сына Эліяшыва.

24 І галовамі лявітаў: Хашавія, Шэрэвія, Ешуа, сын Кадміэля, і браты іхнія, насупраць іх, каб выхваляць і дзякаваць, паводле загаду Давіда, чалавека Божага, чарга за чаргою.

25 Маттанія, Бакбукія, Абадыя, Мэшулям, Тальмон, Аккуў, прыдзьвернікі, вартавалі пры каморах каля брамаў.

26 Яны ў дні Ёякіма, сына Ешуа, сына Ёцадака, і ў дні Нээміі, ваяводы, і Эзры, сьвятара і кніжніка.

27 А на пасьвячэньне муру Ерусаліму шукалі лявітаў у-ва ўсіх месцах іхніх, каб прывесьці іх у Ерусалім і зрабіць пасьвячэньне з радасьцю, і з падзякаю, і са сьпевамі, псалтырамі і гусьлямі.

28 І сабраліся сыны сьпевакоў з ваколіцаў Ерусаліму і з вёсак Нэтофацян,

29 і з дому Бэт-Гагільгаму, і з палёў Гевы і Азмавэту, бо сьпевакі пабудавалі сабе паселішчы вакол Ерусаліму.

30 І ачысьціліся сьвятары і лявіты, і ачысьцілі народ, і брамы, і мур.

31 І я прывёў князёў Юдэі на мур, і паставіў два хоры вялікія. Адзін з іх ішоў направа, па муры да Брамы Гною.

32 За імі ішоў Гашая і палова князёў Юдэі,

33 і Азарыя, Эзра, Мэшулям,

34 Юда, Бэн’ямін, Шэмая і Ярэмія.

35 А з сыноў сьвятарскіх з трубамі Захарыя, сын Ёнатана, сына Шэмаі, сына Маттаніі, сына Міхая, сына Заккура, сына Асафа,

36 і браты ягоныя: Шэмая, Азарэль, Мілалай, Гілалай, Маай, Нэтанэль, Юда, Ханані з музычнымі інструмэнтамі Давіда, чалавека Божага, і Эзра кніжнік перад імі.

37 І каля Брамы Крыніцы, насупраць іх, яны ўзыйшлі па прыступках гораду Давіда на мур вышэй дому Давіда, аж да Брамы Воднай на ўсходзе.

38 І другі хор ішоў насустрач ім, і за ім я і палова народу па муры ад Вежы Печаў аж да Муру Шырокага,

39 і ад Брамы Эфраіма, Браму Старую, Браму Рыбную, Вежу Хананэля і Вежу Мэа аж да Брамы Авечай, і спыніліся пры Браме Варты.

40 І сталі абодва хоры ў Доме Божым, і я і палова кіраўнікоў са мною,

41 і сьвятары: Эліякім, Маасэя, Мін’ямін, Міхая, Эліяэнай, Захарыя, Хананія з трубамі,

42 і Маасэя, Шэмая, Элеазар, Узьзі, Ягахана, Малькія, Элям, Эзэр. І сьпявалі сьпевамі голасна, і Ізахія кіраўніком.

43 І ахвяроўвалі ў той дзень ахвяры вялікія, і весяліліся, бо Бог узрадаваў іх радасьцю вялікаю. Таксама жанчыны і дзеці радаваліся, і радасьць Ерусаліму была чуваць далёка.

44 І былі прызначаны ў той дзень людзі, каморы, каб складаць дары, пяршыны і дзесяціны, каб зьбіраць у іх з палёў пры гарадах часткі, ў Законе для сьвятароў і лявітаў, бо радасьць Юдэі з прычыны сьвятароў і лявітаў, якія стаялі.

45 І яны захоўвалі пастановы Бога свайго і пастановы пра ачышчэньні, і сьпевакамі і прыдзьвернікамі паводле загаду Давіда і Салямона, сына ягонага.

46 Бо ў дні Давіда і Асафа здаўна вызначаны галовы сьпевакоў і сьпевы хвалы і падзякі Богу.

47 І ўвесь Ізраіль у дні Зэрубабэля і ў дні Нээміі даваў часткі для сьпевакоў і прыдзьвернікаў; і давалі сьвятыя лявітам, а лявіты давалі сьвятыя сынам Аарона.