Revelashon 3 - Papiamentu Bible 2013(PB13)

E karta pa Sardis

1Skibi e angel di iglesia na Sardis lo siguiente: Esun ku tin e shete spiritunan di Dios i e shete streanan, ta bisa: Mi sa tur kos ku boso ta hasi. Mi sa ku boso ta konosí komo bibu, pero boso ta morto.

2Lanta fo'i soño i fortifiká loke a sobra ainda serka boso i ta kore peliger di muri. Pasobra a parse Mi ku loke boso ta hasi no ta perfekto den bista di mi Dios.

3Kòrda anto kon boso a risibí i kon boso a skucha e mensahe. Tene boso n'e i kombertí. Si boso no lanta fo'i soño, lo Mi bini diripiente manera un ladron, i boso lo no sa ki ora.

E ta bisa:

8Mi sa tur kos ku boso ta hasi. Tende, Mi a habri un porta pa boso, ku ningun hende no por sera. Mi sa ku boso tin tiki forsa, pero tòg boso a tene na mi mensahe i boso no a nenga Mi.

9Tende, lo Mi sòru pa e siguidónan di Satanas, e gañadónan ei ku ta yama nan mes hudiu, pero no ta, sí, lo Mi sòru pa nan bin tira nan kurpa na boso piaIsaías 49:23; 60:14 i rekonosé ku Ami a stima boso.Isaías 43:4

10Boso a tene na mi òrdu pa perseverá den sufrimentu. P'esei Ami tambe lo tene na boso den e tempu ku ta bai bini riba henter mundu pa pone tur hende na prueba.

11Mi ta bini pronto! Tene loke boso tin, pa ningun hende no kohe boso rekompensa bai kuné.

12Esun ku triunfá, lo Mi hasi un pilá den tèmpel di mi Dios i no lag'é disparsé nunka for di eiden. Riba dje lo Mi graba nòmber di mi Dios i nòmber di e siudat di mi Dios, e Herusalèm nobo, ku ta baha for di shelu for di Dios.Revelashon 21:2 Tambe lo Mi graba mi mes nòmber nobo riba dje.Isaías 62:2; 65:15

13Es ku tin orea, mester skucha loke Spiritu di Dios ta bisa e iglesianan.

E karta pa Laodisea

14Skibi e angel di iglesia na Laodisea lo siguiente: Esun ku yama Amèn, e testigu ku bo por kere i konfia, orígen di Dios su kreashon, ta bisa:Proverbionan 8:22-31; Huan 1:3; Kolosensenan 1:15,18

15Mi sa tur kos ku boso ta hasi. Mi sa ku boso no ta ni friu ni kayente! Mare boso tabata friu òf kayente!

16Pasobra boso ta lou i no ta ni kayente ni friu, p'esei lo mi skupi boso for di mi boka.

17Boso ta pretendé: “Mi ta riku, mi a duna mi mes de todo, mi no tin mester di nada.” Pero boso no ta realisá ku boso ta infelis, deplorabel, pober, siegu i sunú.

18Sigui mi konseho i kumpra oro, purifiká den kandela, serka Mi, pa boso bira riku, i tambe paña blanku pa bisti i tapa e bèrgwensa di boso sunú, i salfi pa hunta riba boso wowo, di manera ku boso por mira atrobe.

19Mi ta skual i disipliná kada un ku Mi ta stima.Proverbionan 3:12; Hebreonan 12:6 Sea antó yen di zelo i kombertí boso!

20Tende, Mi ta pará na porta i Mi ta bati. Ora un hende tende mi stèm i habri porta, lo Mi drenta serka dje i nos lo sinta kome huntu.

21Esun ku triunfá, lo Mi pone sinta banda di Mi riba mi trono, manera Mi mes a triunfáHuan 16:33; Revelashon 5:5 i ta sintá banda di mi Tata riba su trono.

22Es ku tin orea, mester skucha loke Spiritu di Dios ta bisa e iglesianan.’