Levítiko 21 - Papiamentu Bible 2013(PB13)

Regla tokante santidat di saserdote

1SEÑOR a ordená Moises pa bisa e saserdotenan, yunan di Aaron, lo siguiente:

‘Un saserdote no mag hasi su mes impuru ora un hende den famia muri,

2ku eksepshon ora ta trata di un famia mashá yegá, esta su mama, su tata, su yu hòmber, su yu muhé, su ruman hòmber òf muhé.

3Den kaso di un ruman muhé e mag hasi su mes impuru ora e ruman muhé ei no ta kasá i p'esei ta dependé di dje ainda.

4E no mester hasi su mes impuru pa hende ku a bira su famia dor di matrimonio i ta kontra su konsagrashon.

5Den kaso di rou saserdote no mag feita nan plenchi di kabes ni na rant di nan barba ni kòrta den nan kueru. komo for di esnan santu.

23Pero pasobra e tin defekto, e no mag aserká e kortina di santuario ni yega serka di altá. E no mag falta rèspèt ku mi santuario i ku tur loke tin aden, pasobra Ami ta SEÑOR i t'Ami ta konsagrá e saserdotenan den mi servisio.’

24Moises a pasa e instrukshonnan pa Aaron i su yunan i pa tur e israelitanan.