Salmo 130 - Papiamentu Bible 2013(PB13)

SALMO 130Fo'i den mizeria profundo mi ta yama Bo, SEÑORKantika di peregrinashon.

1Fo'i den abismo, SEÑOR, mi ta yama Bo,

2Señor, tende mi bos!

Mare bo orea tende

mi gritu di ousilio.

3Si Bo kòrda nos pikánan, SEÑOR,

ken lo por wanta bo huisio?

4Serka Bo nos por haña pordon,

pa nos siña respetá Bo.

5Mi ta warda, warda so riba SEÑOR,

mi tin fe den su palabra.

6Mi ta warda yegada di Señor

mas ku guardia lus di dia.

Mas ku un guardia ta spera lus di dia

7spera SEÑOR, o Israel,

pasobra serka djE tin tur grasia,

salbashon abundante.

8Sí, t'E lo pordoná Israel

tur su pikánan.