Huesnan 6 - Papiamentu Bible 2013(PB13)

Dios ta yama Gideon

1Ma e israelitanan a hasi loke ta malu den bista di SEÑOR. P'esei SEÑOR a entregá nan den poder di e midianitanan durante shete aña.

2E midianitanan tabata oprimí e israelitanan. Komo e israelitanan tabatin hopi miedu di e midianitanan, nan a bai den seru i a traha lugá pa nan skonde den kueba i kaminda no tabata fásil pa hende yega.

3Ki ora ku e israelitanan a sembra, e midianitanan, e amalekitanan i e otro pueblonan di oriente tabata ataká nan.

4Nan tabata lanta nan kampamentu den e teritorio di Israel i destruí kosecha te na e region di Gaza. Nan no tabata laga ni karné ni baka ni buriku ni kuminda pa e israelitanan.

5Nan tabata bini ku nan tèntnan i nan bestianan. Nan tabata asina tantu ku por a kompará nan ku plaga di dalakochi. No por a konta ni e hendenan ni nan kamelnan. Nan tabata drenta e pais i destruí tur kos.

6Pa falta di e midianitanan, e israelitanan a bira mashá pober. Al fin i al kabo nan a sklama na SEÑOR.

7Ora e israelitanan a sklama na SEÑOR pa motibu di e midianitanan,

8El a manda un profeta pa nan. E profeta a bisa nan: ‘SEÑOR, Dios di Israel, ta bisa: “Mi a saka boso for di Egipto, kaminda boso tabata katibu.

9Mi a salba boso for di poder di e egipsionan i di tur ku tabata oprimí boso. Mi a kore ku nan pa boso i a duna boso nan tera.

10Mi a bisa boso ku t'Ami ta SEÑOR, boso Dios, i ku ounke boso ta biba den pais di e amoritanan awor akí, boso no mester adorá nan diosnan. Ma boso no a hasi kaso.” ’

11Despues Angel di SEÑOR a yega i a bai sinta bou di e palu grandi di ekel na Ofra, propiedat di Yoash. Yoash tabata desendiente di Abiezèr. Gideon, yu di Yoash, pasobra nan a bisa: ‘Laga Baal bringa pa su mes, awor ku Gideon a basha su altá abou!’

33Den e tempu ei tur e midianitanan, e amalekitanan i e pueblonan di oriente a uni. Nan a krusa riu Yordan i a lanta nan kampamentu den vaye di Yizreel.

34Despues Spiritu di SEÑOR a yena Gideon. El a supla kachu pa e desendientenan di Abiezèr bin uni kuné i siguié.

35Ademas el a manda mensahero den sobrá di e region di Manase pa bisa nan bin yuda. Pa e tribunan di Asher, di Zebulon i di Naftali tambe el a manda mensahero. Tur e tribunan akí a sali pa bai uni nan mes kuné.

36Awor Gideon a bisa Dios: ‘Enberdat t'ami Bo a skohe pa salba Israel?

37Awèl, SEÑOR, mi ta bai pone un pida lana di karné kaminda nos ta bati trigo. Si mainta e lana so ta muhá ku serena i e tera rònt di dje ta seku, ta sigur ku ta ami Bo a skohe pa salba Israel, manera Bo a bisa.’

38I asina a sosodé. Ora Gideon a lanta mainta trempan, el a trose e lana i e serena ku a sali for di e lana a yena un kòmchi.

39Gideon a bisa Dios: ‘No rabia ku mi si mi insistí, pero laga mi hasi un prueba mas ku e lana. E bia akí laga e lana so keda seku i laga serena muha tur e tera.’

40E anochi ei Dios a hasi loke Gideon a pidi: e lana so tabata seku pero tur e tera tabata kubrí ku serena.