Salmo 16 - Papiamentu Bible 2013(PB13)

SALMO 16Den SEÑOR mi por pone mi konfiansaOrashon silensioso. Di David.

1Dios, warda mi, mi ta buska refugio serka Bo;

2mi ta bisa SEÑOR: ‘Bo ta mi Señor,

mi felisidat! No tin nada riba Bo!’

3Esnan ku na tera ta pasa pa ‘santu’

i pa ‘poderoso’, mi no tin lei ku nan.

4Nan ku ta sirbi otro dios ta buska malu pa nan kurpa;

nunka lo mi n' djòin nan sakrifisionan di sanger,

nunka mi n' ta tuma nan nòmber den mi boka.

5Abo, SEÑOR, mi herensia, mi beker,

lo Bo duna mi tur loke mi mester,

Bo ta tene mi destino den bo man.

6Un parti ekskisito a kai na mi suerte,

e loke ta toka mi ta enkantá mi.

7Mi ta alabá SEÑOR, ku ta guia mi

i asta anochi ta instruí mi kurason.

8Semper mi ta tene SEÑOR mi dilanti,

si E ta pará na mi man drechi, mi n' ta hera.

9P'esei, mi kurason por ta kontentu,

mi paden por kanta di legria

i mi kurpa sosegá ku konfiansa,

10ya ku Bo no ta entregá mi na morto,

Bo no ta laga bo amigu mira graf.

11Bo ta siña mi ki kaminda ta hiba pa bida,

abundansia di legria kaminda Bo ta,

goso banda di Bo pa tur eternidat.