1Ahas tabatin binti aña dia el a bira rei. El a goberná diesseis aña na Herusalèm. Kontrali na su antepasado David e no tabata hasi loke ta bon den bista di SEÑOR, su Dios.
2El a sigui ehèmpel di Israel, asta el a laga traha imágen di Baal di heru bashá.
3El a ofresé sakrifisio den vaye di Bèn-Hinom i el a ofresé su yu hòmber komo sakrifisio di kandela segun e kustumber horibel di e pueblonan ku SEÑOR a kore kuné pa e israelitanan haña nan tera.
4E tabata mata i kima bestia den tur santuario pagano, riba kada seritu i bou di tur palu bèrdè.
5P'esei SEÑOR, su Dios, a entreg'é den man di rei di Aram. E arameonan a derot'é i a bai Damasko ku un kantidat grandi di prezu. Tambe SEÑOR a lag'é sufri un derota grandi kontra Pèkag di Israel, yu di Remaliahu.
6Na Huda Pèkag a mata 120.000 sòldá riba un dia. Esei a sosodé pasobra nan a laga SEÑOR, Dios di nan antepasadonan, na kaya. i a bira infiel na SEÑOR.
20Rei Tiglat-Pilesèr di Asiria a bini serka dje wèl, pero na lugá di apoy'é, el a hink'é mas den pèrtá.
21Pasobra maske Ahas a hasi tèmpel di SEÑOR, palasio real i kas di e lidernan blo bashí i a duna rei di Asiria tur kos, esei no a yud'é ku nada.
22Asta ora e mesun Ahas ei a hañ'é den pèrtá, el a keda infiel na SEÑOR; el a hasi pió ainda:
23el a disidí di ofresé sakrifisio na e diosnan di Damasko ku a derot'é. Pasobra el a pensa: ‘E diosnan di Damasko a yuda reinan di Aram; si mi ofresé sakrifisio na nan, nan lo yuda mi tambe.’ Pero nan a hinka e i henter Israel den pèrdishon.
24Riba su òrdu nan a pone tur opheto di uso den tèmpel huntu i kibra nan. El a laga sera tèmpel i laga lanta altá na tur skina di kaya di Herusalèm.
25Den kada siudat na Huda el a laga traha seritu di sakrifisio pa ofresé sakrifisio na otro dios.
26Sobrá historia di Ahas for di antaño te mas resien ta skibí den e buki ‘Reinan di Huda i Israel’.
27Ahas a bai sosegáIsaías 14:28 i a der'é na Herusalèm, pero no den graf di e reinan di Israel. Su yu Ezekías a siguié komo rei.
Who We AreWhat We EelieveWhat We Do
2025 by iamachristian.org,Inc All rights reserved.
