Salmo 93 - Papiamentu Bible 2013(PB13)

SALMO 93SEÑOR ta rei, bistí ku mahestat

1SEÑOR ta rei, bistí ku mahestat,

SEÑOR, bistí i fahá ku poder!

Mundu ta duru pará, inmovibel.

2Duru pará ta bo trono, fo'i prinsipio,

Bo t'ei for di tur eternidat!

3Riunan ta alsa, o SEÑOR,

riunan ta alsa nan bos,

riunan ta alsa nan tumulto.

4Mas ku bos di masa di awa,

mas potente ku tur ola di laman,

mas potente SEÑOR ta den shelu.

5Bo mandatonan ta digno di konfiansa,

santidat, SEÑOR, ta toka bo kas,

te na kabamentu di siglonan.