Salmo 121 - Papiamentu Bible 2013(PB13)

SALMO 121SEÑOR ta perkurá pa boKantika di peregrinashon.

1Mi ta alsa mi bista na serunan:

di unda mi yudansa lo bini?

2Mi yudansa ta bini di SEÑOR

ku a traha shelu i tera!

3E ta warda bo pia pa bo n' slep;

bo Wardador, E no ta kabishá.

4Nò, e Wardador di Israel

lo no kabishá ni drumi.

5SEÑOR ta bo Wardador,

SEÑOR ta bo sombra na bo lado.

6Den dia solo lo no molestiá bo,

ni luna den oranan di anochi.

7SEÑOR ta warda bo di tur malu,

sí, E ta spar bo bida.

8E ta warda bo entrada i salida

for di awor te den tur eternidat.