Salmo 1 - Papiamentu Bible 2013(PB13)

SALMO 1Berdadero felisidat

1Felis ta esun ku no ta anda

segun konseho di mal hende,

ku n' ta pegá riba kaminda di malbadonan

ni n' ta sintá den tou di chèrchadó,

2ma ku tin smak den lei di SEÑOR,

ta meditá su lei di dia i anochi.

3E parse un palu, plantá kant'i awa,

ku ta duna fruta na su tempu;

su blachinan no ta marchitá —

kiko ku e hasi, e ta bona.

4Ma mal hende no ta asina,

nan ta bagas ku bientu ta supla.

5Mal hende no ta resistí ora di huisio,

ni pekadó na reunion di hende hustu.

6SEÑOR ta kuida kaminda di bon hende,

ma esun di malechor ta sin salida.