Salmo 12 - Papiamentu Bible 2013(PB13)

SALMO 12SEÑOR, protegé nos kontra hende malbado i gañadóPa maestro di kanto. Na di ocho weis. Salmo di David.

1Ousilio, SEÑOR, pasobra fielnan a kaba,

ya sinseridat a disparsé fo'i den hende.

2Kada ken ta gaña su próhimo

hasi trastu: kuchú di dos banda!

3SEÑOR ta tapa e boka yen di trastu,

E ta mara e lenga ku ta blòf,

4nan ku ta bisa: ‘Nos lenga ta nos arma,

nos lepnan nos defensa — ken ta stòp nos?’

5‘Ta pa motibu di opreshon di humildenan

i gritu di ousilio di pobernan

Mi ta lanta awor,’ SEÑOR ta bisa,

‘lo Mi salba esun ku tin deseo.’

6SEÑOR su palabranan ta limpi,

plata, dirtí den krosèt den tera,

purifiká te asta shete bia.

7SEÑOR, Abo kumpli ku nan,

warda nos pa semper di e hendenan ei.

8Malbadonan ta kana tur kaminda

i bagamunderia ta haña

un lugá di honor serka hende.