1SEÑOR, no lubidá riba David,
riba tur molèster k'el a pasa,
2e huramentu k'el a hasi na SEÑOR,
e promesa na Dios Fuerte di Yakob:
3‘Ami no ta drenta mi kas,
lo mi no subi kama pa bai drumi,
4mi no ke duna mi wowonan soño,
ni sikiera un sleim di soño,
5miéntras mi n' haña un lugá pa SEÑOR,
un mansion pa Dios Fuerte di Yakob!’
6Nos a tende dje arka na Efrata,
nos a hañ'é den kunukunan di Yaar:
7‘Ban e lugá kaminda Dios ta biba,
kai ador'É dilant'i banki di su pia.’
8SEÑOR, lanta bai bo lugá di reposo,
Abo ku bo Arka poderoso,
9bo saserdotenan bistí ku hustisia
i bo fielnan gritando di legria.
10Pa amor pa David, bo sirbidó,
no rechasá esun ungí.
11SEÑOR a hura David,
— i E n' ta hala su palabra atras —:
‘Lo Mi mira pa un di bo yunan
bira susesor riba bo trono.
12Si bo yunan warda mi Aliansa,
e mandamentunan ku Mi ta siña nan,
nan mes yunan tambe lo sinta
riba e trono akí pa semper.’
13Komo ta Sion SEÑOR a skohe,
t'e E tabata ke pa su bibá:
14‘Sion ta pa semper mi morada,
ei Mi ke biba, esei ta mi deseo.
15Lo Mi bendishoná su provishonnan,
lo Mi yena su pobernan ku pan.
16Su saserdotenan lo bisti santidat
i su fielnan lo grita di legria.
17Ei lo Mi laga nase fo'i David
un spreit, yen di vigor:
Ei mi ke pa esun ungí sende
manera un lampi ku n' ta paga.
18Ku bèrgwensa lo Mi tapa su enemigunan,
ma riba dje mi diadema lo bria!’
Who We AreWhat We EelieveWhat We Do
2025 by iamachristian.org,Inc All rights reserved.
