2 Krónikanan 24 - Papiamentu Bible 2013(PB13)

Reinado di Yoash(2 Reinan 12:1-21)

1Yoash tabatin shete aña dia el a bira rei. El a goberná kuarenta aña na Herusalèm. Su mama tabata yama Sibia i tabata di Beer-Shèba.

2Yoash tabata hasi loke ta bon den bista di SEÑOR miéntras saserdote Yoyada tabata na bida.

3Yoyada a skohe dos kasá pa Yoash i nan a haña yu hòmber i yu muhé.

4Despues di tempu Yoash a disidí di drecha tèmpel di SEÑOR.

5El a reuní e saserdotenan i e levitanan i bisa nan: ‘Pasa tur siudat di Huda i kolektá plaka serka e israelitanan pa drechamentu anual di tèmpel di boso Dios. Hasi lihé!’ Pero e levitanan no a hisa su palabra for di tera.

6E ora ei rei a manda yama gransaserdote Yoyada i a puntr'é: ‘Di kon bo no a sòru pa e levitanan na Huda i Israel kobra e donashon ku Moises, e sirbidó di SEÑOR, a stipulá pa komunidat di Israel duna pa e tènt kaminda ta warda e dokumento di aliansa? di saserdote Yoyada. Nan a mat'é den su kama. A der'é na Siudat di David, pero no den grafnan real.

26E hòmbernan ku a sera kòmplòt kontra dje tabata Zabad i Yozabad. Shimat, mama di Zabad, tabata di Amon i Shimrit, mama di Yozabad, tabata di Moab.

27Den splikashon di ‘Buki di Reinan’ tin detayenan di yu hòmbernan di Yoash notá i di e tantísimo atvertensianan ku profetanan a duna Yoash i di drechamentu di tèmpel.

Amasías, yu di Yoash, a siguié komo rei.