Salmo 129 - Papiamentu Bible 2013(PB13)

SALMO 129Hende malbado no tin bidaKantika di peregrinashon.

1Kuantu be kaba fo'i mi hubentut

nan a hinka mi den pèrtá,

— laga Israel papia awor —

2kuantu be kaba fo'i mi hubentut

nan a hinka mi den pèrtá,

ma nan no a surpasá mi!

3Plugdónan a plug mi lomba,

riol hopi grandi nan a hala.

4Pero, SEÑOR ku ta hustu

a kòrta kabuya dje malbadonan.

5Mare esnan ku ta odia Sion

por hal'atras yen di bèrgwensa.

6Mare nan por ta manera yerba

ku ta krese riba dak plat di kas

i ku ta seka promé ku rank'é;

7ku esun ku ta kòrta maishi

no ta yena su man kuné,

i esun ku ta mar'é na bòshi

no ta yena su brasa;

8ni ningun ku ta pasa no ta bisa:

‘Bendishon di SEÑOR sea ku boso.

Nos ta bendishoná boso

den nòmber di SEÑOR.’