Zakarías 9 - Papiamentu Bible 2013(PB13)

Israel lo no tin nada di teme di e pueblonan bisiña

1Mensahe di SEÑOR:

SEÑOR ta papia ku e pais Hadrak, su palabra ta zona na Damasko tambe.

8‘Mi ta tene warda den mi pais,’ SEÑOR ta bisa, ‘pa Mi proteg'é kontra ehérsitonan ku ta pasa dor di dje. Niun hende no ta bin oprimié mas, pasobra t'Ami mes ta kuid'é.’

E rei ku ta trese pas

9Basha gritu di legria, mi yu Herusalèm,

hubilá, mi yu Sion!

Pasobra ata bo rei

10‘Ami,’ SEÑOR ta bisa,

‘ta bai destruí e garoshinan di guera den teritorio di Efraim

i e kabainan den Herusalèm.’

E ora ei flecha i bog di guera lo ta kibrá

i e rei lo planta pas den pueblonan;

lo e goberná di laman te laman,

di riu Eufrat te na ekstremonan di mundu.Liberashon di e eksiliadonan

11SEÑOR ta bisa:

‘Pa motibu di mi aliansa ku boso, seyá ku sanger,

Mi ta duna boso libertat,

esnan di boso ku tabata será manera den pos seku.

12Prezunan, tin speransa pa boso,

bai Herusalèm bèk,

e fòrti fuerte.

Fo'i djawe Mi ta anunsiá:

Mi ta bai rekompensá boso dòbel pa tur loke a pasa.

13Mi ta usa Huda pa mi bog,

Efraim pa mi flecha.

Mi ta usa bo habitantenan, Herusalèm,

manera spada di un guerero

kontra esnan di bo, Gresia.’

14SEÑOR ta aparesé riba su pueblo;

su flechanan ta kòrta manera welek.

Señor Dios ta supla su kachu

i ta ranka sali den tormenta di zùit.

15SEÑOR soberano ta protegé su pueblo.

Israelitanan ta kaba ku nan enemigu;

su piedr'i chincha no ta yud'é ku nada.

Bou 'i bochincha israelitanan ta bebe su sanger pa biña,

te ora nan bòfi yena

manera skalchi di sakrifisio;

nan kurpa ta tur na sanger

16Asina SEÑOR, nan Dios,

e dia ei lo salba su pueblo,

su trupa di karné.

Nan lo bria den su pais

manera piedra presioso den un korona.

17Esta próspero nan ta, esta bunita!

E yònkumannan, e mucha muhénan ta bona;

trigo i biña ta fortalesé nan.