1E kabesnan di famia di Guilead a bin papia ku Moises, ku e hefenan i ku e kabesnan di famia di e israelitanan. Guilead tabata yu hòmber di Makir, yu hòmber di Manase, un di e yu hòmbernan di Jozef.
2Nan a bisa nan: ‘SEÑOR a ordená mi shon pa tira lòt indiká nos nos tereno. Tambe El a ordená mi shon pa duna e pida ku nos famia Selofhat lo a haña, na su yu muhénan.Numbernan 27:7
3Pero si nan kasa ku un hòmber for di un otro tribu, e ora ei ta kita nan pida tereno for di e propiedat di nos tribu i añadié na esun di e otro tribu.
4I den aña di hubileo nan pida tereno lo pasa definitivamente for di propiedat di nos tribu pa esun di e otro tribu.’
5E ora ei riba òrdu di SEÑOR Moises a ordená e israelitanan lo siguiente: ‘E hendenan akí for di tribu di Jozef tin rason.
6P'esei SEÑOR ta preskribí lo siguiente en relashon ku e yu muhénan di Selofhat: Nan por kasa ku ken ku nan ke, basta ta ku un hende for di nan mes tribu.
7E pida tereno di esun tribu no mag pasa pa un otro tribu. Kada israelita mester sòru pa e pida tereno di famia keda den e mes tribu.
8Kada muhé ku heredá un pida tereno den e pida tereno di un di e tribunan, mester kasa ku un hende di su mes tribu. Asina e israelitanan ta tene e pida tereno di nan famia den poseshon di e tribu.
9Pasobra e pida tereno di esun tribu no mag pasa pa un otro tribu. Kada tribu mester tene su pida tereno huntu.’
10E yu muhénan di Selofhat a hasi loke SEÑOR a ordená Moises.
11Tur e yu muhénan di Selofhat esta Magla, Tirsa, Hogla, Milka i Noa a kasa ku nan primunan parti di tata.
12Komo ku nan a kasa den tribu di Manase, yu hòmber di Jozef, nan pida tereno a keda serka e tribu di nan tata.
13Esakinan ta e mandamentunan i reglanan, ku SEÑOR a duna e israelitanan pa medio di Moises, den e kunukunan di Moab kantu di Yordan enfrente di Yériko.
Who We AreWhat We EelieveWhat We Do
2025 by iamachristian.org,Inc All rights reserved.
