Esdras 4 - Papiamentu Bible 2013(PB13)

Resistensia di parti di enemigunan kontra rekonstrukshon di tèmpel

1Ora pueblo di e region, enemigu di e tribunan di Huda i di Benhamin, a tende ku e eksiliadonan hudiu ku a bolbe, tabata traha un tèmpel pa SEÑOR, Dios di Israel,

2nan a bai serka Zerubabel i serka e kabesnan di famia. Nan a bisa: ‘Laga nos yuda boso; tòg t'e mesun Dios ku boso ta adorá, nos tambe ta adorá i nos ta ofres'É sakrifisio for di tempu ku Esar-Hadon, rei di Asiria, a trese nos aki.’

8Despues kansier Rehum i su sekretario Shimshai tambe a skibi rei Artaxèrxès un karta tokante Herusalèm. E karta tabata bisa asina:

9‘Remitentenan: kansier Rehum, su sekretario Shimshai i nan koleganan: e huesnan i tur e otro funshonarionan ku originalmente ta di Erèk, Bábel i Susan, situá den Elam,

10tambe na nòmber di e sobrá nashonnan ku e gran i ilustre Osnapar a saka bai pone biba den e siudatnan di Samaria i den restu di e provinsia parti wèst di riu Eufrat.’

11Despues e karta tabata sigui asin'akí:

‘Na rei Artaxèrxès di parti di su sirbidónan di e provinsia parti wèst di riu Eufrat.

12Su mahestat mester sa ku e hudiunan ku a sali for di Bábel bini Herusalèm, a yega aki i ta rekonstruyendo e siudat yen di maldat i rebelde ei atrobe. Nan ta kla ku e fundeshi i ta terminando e trabou di e murayanan.

13Su mahestat mester sa ku asina e siudat ta rekonstruí i e murayanan ta kla, nan lo no paga ni belasting ni akseins ni tòl mas, loke ta pone kaha di reino sufri pèrdida.

14Komo ta di palasio nos ta haña nos pan di kada dia, no ta hustu pa nos sinta mira kon nan ta perhudiká su mahestat. P'esei nos ta pone esaki na konosementu di su mahestat.

15Si su mahestat laga kontrolá archivonan di su mahestat su antesesornan, su mahestat lo ripará ku e siudat akí ta rebelde, ku e ta molestiá rei i e provinsianan i ku for di antaño ta un nèshi di rebeldia. Esaki t'e motibu ku a pone nan destruyé e tempu ei.

16Nos ke laga su mahestat sa ku si nan rekonstruí e siudat i lanta su murayanan, su mahestat lo no por keda ku e provinsia parti wèst di riu Eufrat.’

17Rei Artaxèrxès a manda siguiente kontesta pa kansier Rehum, su sekretario Shimshai i nan koleganan na Samaria i den sobrá di e provinsia parti wèst di riu Eufrat:

‘Mi ta spera ku boso ta gosando di un salú perfekto.

18A tradusí e karta ku boso a manda i nan a les'é pa mi.

19Mi a ordená nan hasi un investigashon i a bin sali na kla ku enberdat for di antaño e siudat ei a lanta kontra e reinan i tabata un nèshi di rebeldia i problema.

20Asta tabatin rei poderoso na Herusalèm ku tabata dominá henter e region parti wèst di riu Eufrat i ku tabata pone e hendenan paga belasting, akseins i tòl.

21Asina ta, ordená e hendenan ei para e trabou. Taha nan di rekonstruí e siudat promé ku mi duna òrdu.

22Tene kuidou boso no deskuidá e asuntu akí. Pakiko laga e pèrdida ku reino ta hiba bira mas grandi?’

23Asina nan a lesa kopia di e karta ku Artaxèrxès a manda pa Rehum, su sekretario Shimshai i nan koleganan, esakinan a bai Herusalèm purá i ku violensia nan a obligá e hudiunan para e trabou.

Nan ta reanudá e trabou na tèmpel durante gobernashon di rei Dario di Persia (521-486)

24Asina nan a stòp e trabou na tèmpel na Herusalèm i e trabou a keda pará te den e di dos aña di gobernashon di rei Dario di Persia.