Salmo 97 - Papiamentu Bible 2013(PB13)

SALMO 97SEÑOR ta rei di henter kreashon

1SEÑOR ta Rei, laga mundu ta kontentu

i alegria bai di isla pa isla.

2Rondó di djE tin nubia skur,

hustisia i derecho ta fundeshi di su trono.

3Kaminda E yega kandela ta bai su dilanti

i ta kima tur esnan ku lo ke resistiÉ.

4Welek ta baña tur mundu na lus,

tera ta mira i ta kuminsá tembla.

5Serunan ta dirti pa SEÑOR manera was,

na yegada di SEÑOR ku ta Doño di henter mundu.

6Shelu ta anunsiá ku su huisionan ta hustu,

pueblonan tur ta mira su gloria.

7Bèrgwensa pa esnan ku ta sirbi imágennan,

ku ta orguyoso riba diosnan di awa dushi.

Na rudia Su dilanti, boso tur, diosnan falsu!

8Sion a tende i keda kontentu,

siudatnan di Huda a grita di alegria

pa motibu di bo huisionan, SEÑOR.

9Pasobra Abo ta SEÑOR, Abo soberano,

altu elevá riba mundu,

hopi mas altu ku tur otro dios.

10Odia maldat, si boso stima SEÑOR.

E ta warda bida di esnan ku ta siguiÉ,

E ta salba nan fo'i gara di mal hende.

11Sí, pa esnan ku ta bon hende lus ta sali,

alegria pa esnan di kurason sinsero.

12Tur bon hende, hasi boso kontentu den SEÑOR,

alabá i invoká su nòmber santu.