Numbernan 35 - Papiamentu Bible 2013(PB13)

E siudatnan pa e levitanan

1SEÑOR a bisa Moises den sabana di Moab kantu di Yordan enfrente di Yériko:

2‘Ordená e israelitanan pa nan sede den e teritorionan ku nan ta poseé, e siudatnan rondoná ku kunuku di yerba, na e levitanan, kaminda e levitanan por biba.

3E levitanan por biba den e siudatnan; e kunukunan di yerba ta pa e bakanan ku nan tin i pa nan sobrá bestianan.

4Na tur banda for di e muraya di siudat e kunukunan di yerba mester ekstendé te un distansia di 500 meter.

5Midi pida pida di 500 pa 1000 meter komo kunuku di yerba, tantu na banda ost, na banda zùit, na banda wèst, komo na banda nort.

6E siudatnan ku boso mester sede na e levitanan, ta e seis siudatnan ku boso mester indiká komo siudat di asilo pa e hendenan ku mata hende sin nan por yuda, i ademas ainda 42 otro siudat.

7Na tur anto boso mester sede 48 siudat ku kunuku di yerba na e levitanan.

8E kantidat di siudat ku un tribu mester sede na e levitanan ta dependé di grandura di teritorio di e tribu; mas grandi e tribu ta mas siudat i mas chikitu e tribu ta mas tiki siudat.’Regla tokante e siudatnan di asilo(Deuteronomio 19:1-13; Yozue 20:1-9)

9SEÑOR a ordená Moises

10pa bisa e israelitanan lo siguiente: ‘Ora boso krusa Yordan i drenta Kanaan,

11indiká algun siudat komo siudat di asilo.

31No mag aseptá plaka a kambio di bida di un asesino, ku meresé morto; mester mat'é.

32Tampoko no mag aseptá plaka pa bida di un hende ku mester hui bai un siudat di asilo, ora e hende ei ke bai biba atrobe riba su tereno, promé ku gransaserdote muri.

33No hasi e pais kaminda boso ta biba impuru. Sanger ta hasi e pais impuru i ora sanger drama no por purifiká e pais, si no ta ku sanger di esun ku a drama e sanger.

34Ke men, no hasi e pais kaminda boso ta biba i kaminda Ami ta biba impuru, pasobra Ami, SEÑOR, ta biba meimei di e israelitanan.’