Numbernan 29 - Papiamentu Bible 2013(PB13)

Instrukshon pa e sakrifisionan riba dia di toka tròmpèt(Levítiko 23:23-25)

1Reuní riba e promé dia di e di shete luna pa adorá SEÑOR; no traha e dia ei. Toka tròmpèt e dia ei.

2Ofresé un sakrifisio di kandela ku un holó agradabel pa SEÑOR di un toro yòn, un chubatu di karné i shete lamchi chubatu di karné di un aña, sin niun defekto.

3Hasi tambe e ofrendanan vegetal di hariña fini mesklá ku zeta ku ta pertenesé n'e; seis kilo huntu ku e toro, kuater kilo huntu ku e chubatu di karné

4i dos kilo huntu ku kada un di e shete lamchi chubatu di karnénan.

5Ofresé tambe un chubatu komo sakrifisio pa pordon di piká pa drecha tur kos entre boso i SEÑOR.

6Ofresé tur eseinan huntu ku e sakrifisio di kandela di tur luna i di tur dia i huntu ku e ofrendanan vegetal i ofrendanan di biña ku segun instrukshon ta pertenesé na nan. Ta un sakrifisio di kuminda ku un holó agradabel pa SEÑOR.

Instrukshon pa e sakrifisionan riba dia di drecha ku Dios(Levítiko 23:26-32)

7Reuní atrobe riba e di dies dia di e di shete luna pa adorá SEÑOR. No traha, ma yuna e dia ei. Tur e kosnan akí Moises a bisa e israelitanan, manera SEÑOR a orden'é.