Echonan 23 - Papiamentu Bible 2013(PB13)

1Pablo a wak e miembronan di Konseho Supremo duru den nan kara i bisa nan: ‘Mi rumannan, te dia djawe mi a biba mi bida ku un konsenshi kompletamente limpi den bista di Dios.’

2Gransaserdote Ananías a manda esnan ku tabata pará banda di Pablo dal e den su boka.

6Pablo tabata sa ku Konseho Supremo tabata konsistí di dos grupo, un di saduseo i un di fariseo; p'esei el a grita: ‘Rumannan, ta fariseo mi ta, yu di fariseo! Ta pasobra mi ta spera riba resurekshon for di morto, nan a kuminsá e huisio akí kontra mi!’

7Ora el a bisa asina, a bini un konflikto entre e fariseonan i e saduseonan, i e asamblea a sples na dos.

8Ta asina ku e saduseonan ta bisa ku no tin resurekshon, ni angel, ni spiritu, ma fariseonan sí ta kere den tur e puntonan akí.

25Anto e komandante mes a skibi un karta ku e siguiente kontenido na Feliks:

26‘Di Klaudio Lisias pa su Ekselensia Gobernador Feliks. Saludo!

27E hudiunan a kohe e hòmber akí prezu i tabata na punto di mat'é. Ma ami a bai ku mi sòldánan i reskat'é, ya ku mi a tende ku e ta siudadano romano.

28Komo mi tabata ker a sa kiko nan ta akus'é di dje, mi a hib'é dilanti di nan Konseho Supremo.

29Aya mi a deskubrí ku nan akusashon tabatin di aber ku pregunta tokante nan lei i ku e no a hasi nada ku ta meresé pena di morto òf kastigu di prizòn.

30Anto ora mi a haña e informashon ku tabatin un kòmplòt kontra dje, mi a disidí di mand'é serka bo mesora. I mi a bisa esnan ku ta akus'é, pa keh'é serka bo.’

31E sòldánan a kumpli ku e òrdu ku nan a haña; den anochi nan a kohe Pablo hib'é te siudat Antipatris.

32Su siguiente dia nan a laga e koredónan di kabai sigui bai kuné i nan mes a regresá fòrti.

33E otronan a hiba Pablo Sesarea i a entregá tantu e karta komo Pablo mes na gobernador.

34Gobernador a lesa e karta i a puntra Pablo di kua provinsia e tabata. Ora el a haña sa ku ta di Silisia Pablo tabata,

35el a bisa: ‘Lo mi tende bo kaso, ora esnan ku ta akusá bo yega.’ Despues el a duna òrdu pa tene Pablo prezu den palasio di Heródes.