Salmo 11 - Papiamentu Bible 2013(PB13)

SALMO 11Serka SEÑOR mi ta fo'i peligerPa maestro di kanto. Di David.

1Serka SEÑOR mi ta buska mi refugio.

Ki mishi anto boso bisa mi:

‘Hui manera para bai den seru.

2Malechornan ya ta arma nan bog,

pará kla ku flecha riba kuèrdè

pa tira den sukú riba inosentenan.

3Ku nan ta kibra asta fundeshinan,

kiko hende drechi ke hasi?’

4Ma SEÑOR ta den su tèmpel sagrado,

E ku tin su trono den shelu;

su wowonan ta wak ku atenshon,

su mirada ta listra yu di hende.

5SEÑOR ta tèst hende hustu i pekadó.

Di henter su kurason E ta odia

esnan ku ta gusta violensia.

6Riba pekadónan E ta yobe

karbon sendé i suafel;

un bientu kayente ta nan suerte.

7Pasobra SEÑOR ta hustu

i E ta gusta un kondukta ku ta hustu.

Hende sinsero lo mira su Kara.