Salmo 63 - Papiamentu Bible 2013(PB13)

SALMO 63T'Abo so mi ta buska, SEÑORSalmo di David. Ora e tabata den desierto di Huda.

mi kurpa ta muri pa Bo:

un tera seku, sin bida, sin awa.

2Kon m'a fiha riba Bo den tèmpel

pa kontemplá bo poder i bo gloria;

3bo amor tin mas balor ku bida mes,

p'esei mi boka ta kanta bo alabansa.

4Henter mi bida mi ke gradisí Bo,

invoká Bo ku mannan alsá,

5yena mi alma ku kuminda di mas riku

i ku mi boka hubilá i alabá Bo.

6Drumí na kama mi ta kòrda riba Bo,

mi ta pensa riba Bo henter anochi,

7pasobra semper Bo a keda mi yudansa,

mi ta gosa den sombra di bo alanan.

8Ku tur mi alma mi ta pega na Bo,

bo man drechi ta wanta mi duru.

9Ma esnan ku ke mata mi pa kaba,

nan mes lo senk te den fondo di tera;

10nan lo muri komo víktima di spada,

nan lo bira kuminda pa lobo.

11Pero rei lo gosa den Dios;

tur esnan ku a hura pa su nòmber

por yama nan mes fortuná

dia boka falsu ta tapá.