Levítiko 12 - Papiamentu Bible 2013(PB13)

Purifikashon di un hende muhé despues di parto

1SEÑOR a ordená Moises

2pa bisa e israelitanan lo siguiente:

‘Ora un muhé duna lus na un yu hòmber, e ta keda shete dia impuru, meskos ku ora e tin su regla.

3Riba e di ocho dia despues di nasementu e yu mester risibí sirkunsishon.Génesis 17:12; Lukas 2:21

4Ta dura ainda 33 dia promé ku e mama ta henteramente puru atrobe, esta te ora e stòp di pèrdè sanger. Durante e tempu ei e no mag mishi ku nada sagrado, ni bai santuario.

5Ora un muhé duna lus na un yu muhé, e ta keda dos siman impuru, meskos ku ora e tin su regla. Ta dura ainda 66 dia promé ku e mama ta henteramente puru atrobe, esta te ora e stòp di pèrdè sanger.

6Ora e tempu stipulá despues di nasementu di un yu hòmber òf di su yu muhé pasa, e muhé mester hiba pa saserdote na entrada di tènt di enkuentro: un karné di un aña pa un sakrifisio di kandela i un pichon òf tòrteldùif pa un sakrifisio pa pordon di piká.

7E saserdote ta ofresé e sakrifisio akí na SEÑOR, i ta drecha tur kos atrobe entre e muhé ku Dios. For di e ora ei e muhé ta purifiká di su pèrdèmentu di sanger. Te asina leu e lei pa e muhé ku duna lus sea na un yu hòmber òf na un yu muhé.

8Si e no tin moda di paga ku un karné, e por trese dos tòrteldùif òf dos pichon tambe,Lukas 2:24 un pa sakrifisio di kandela i e otro pa sakrifisio pa pordon di piká. Di manera ku e saserdote ta drecha tur kos atrobe entre e muhé i Dios i e muhé ta bolbe bira puru.’