1Suponé ku un hòmber kasá ta pèrdè amor pa su esposa, pasobra e ta deskubrí algu ku e no ta gusta. E ta skibi un papel di divorsio duna e muhé i kore kuné for di kas.Malesa di kueru
8Den kaso di malesa di kueru atené boso estriktamente na e indikashonnan di e saserdotenan levita. Kumpli estriktamente ku loke mi a preskribí nan.Tumamentu di garantia
10Ora boso fia un hende algu, boso no mag drenta su kas skohe un garantia.
11Boso ta obligá di keda warda pafó te ora e hende ku a fia algu di boso, trese e garantia.
12Suponé ku un hòmber pober duna boso su mantel komo garantia. No keda kuné te su manisé,
13pero dun'é e mantel bèk promé ku solo baha. E ora ei e por kai drumi den su mes mantel. E hòmber lo bendishoná boso p'esei i SEÑOR, boso Dios, lo haña ku boso a aktua bon.Pagamentu di suèldu
14No eksplotá un hende ku ta traha kontra pago, ku ta pober i ta den mizeria kaba. No ta importá ku e ta un israelita òf un strañero ku a drenta boso pais i ta biba den un di boso siudatnan.
15Pag'é e mesun dia ei, no warda te su manisé. E ta den mizeria i tin mester di su sèn. Sino e ta keha boso serka SEÑOR i boso ta tuma un kulpa riba boso.Hende ta responsabel pa nan mes echonan
16No mag mata mayornan pa delito ku nan yunan a kometé i no mag mata yu pa delito ku nan mayornan a kometé. Ta mata un hende solamente pa e delitonan ku e mes kometé.Stipulashon na fabor di e débilnan den komunidat
17Boso no mag violá derecho di strañero òf wérfano ni tuma paña di un biuda komo pant.
18Kòrda ku boso tabata katibu na Egipto i ku SEÑOR a libra boso fo'i djei. P'esei mi ta ordená boso aktua asina.
19Si den tempu di kosecha boso lubidá un bòshi di trigo den kunuku, no bai bèk bai busk'é. Lag'é pa strañero, biuda i wérfano. E ora ei SEÑOR, boso Dios, lo bendishoná boso den tur boso trabou.
20Ora boso bati kita aseituna for di rama, no bolbe pasa banda di e ramanan. Laga loke a keda ainda na palu, pa strañero, wérfano i biuda.
21Ora boso ta rekohé wendrùif den boso hòfi di wendrùif, no bai bèk pa e wendrùifnan ku a keda na e matanan. Laga nan pa strañero, wérfano i biuda.Levítiko 19:9-10; 23:22
22Kòrda ku boso tabata katibu na Egipto. P'esei mi ta ordená boso aktua asina.
Who We AreWhat We EelieveWhat We Do
2025 by iamachristian.org,Inc All rights reserved.
