1Duna grasia na SEÑOR, komo E ta bon!
Su amor ta eterno!
2Duna grasia na e Dios di tur dios!
Su amor ta eterno!
3Duna grasia na SEÑOR di señornan!
Su amor ta eterno!
4E so a hasi maravia:
Su amor ta eterno!
5El a traha shelu ku saber.
Su amor ta eterno!
6El a fiha tera riba awa.
Su amor ta eterno!
7El a traha luseronan grandi:
Su amor ta eterno!
8solo pa manda riba dia,
Su amor ta eterno!
9luna i streanan pa manda riba anochi.
Su amor ta eterno!
10El a dal tur yu mayó di egipsionan,
Su amor ta eterno!
11laga Israel sali for di den nan,
Su amor ta eterno!
12ku man fuerte i ku brasa poderoso.
Su amor ta eterno!
13Laman Kòrá El a parti na dos,
Su amor ta eterno!
14pone Israel pasa meimei,
Su amor ta eterno!
15hogando Fárao huntu ku su ehérsito.
Su amor ta eterno!
16El a guia su pueblo den desierto,
Su amor ta eterno!
17a derotá reinan famoso
Su amor ta eterno!
18i a mata reinan poderoso.
Su amor ta eterno!
19Sihon, rei di amoritanan,
Su amor ta eterno!
20i Og, rei de Bashan.
Su amor ta eterno!
21El a duna su pueblo nán pais,
Su amor ta eterno!
22pa el a keda propiedat di Israel.
Su amor ta eterno!
23El a kòrda riba nos den nos bèrgwensa
Su amor ta eterno!
24i a libra nos di man di opresor.
Su amor ta eterno!
25E ta duna tur ser bibu alimento.
Su amor ta eterno!
26Duna grasia na Dios den shelu.
Su amor ta eterno!
Who We AreWhat We EelieveWhat We Do
2025 by iamachristian.org,Inc All rights reserved.
