2 Timoteo 4 - Papiamentu Bible 2013(PB13)

1Solemnemente mi ta pidi bo dilanti di Dios i Kristu-Hesus, Esun ku ta bai husga bibu i morto, mi ta pidi bo, pasobra Kristu-Hesus ta bini bèk komo rei:

2prediká e palabra, insistí ku mester proklam'é na momento oportuno i inoportuno, ku tur pasenshi ku instrukshon ta eksigí, konvensé, koregí i kurashá hende.

3Pasobra lo yega un tempu ku hende no ke aseptá doktrina sano mas. Nan lo sigui nan mal deseonan i montoná maestro ku ta papia pa karisiá nan orea.

4Nan lo tapa orea pa bèrdat pa skucha fábula.

5Pero abo sí, dominá bo mes bou di tur sirkunstansia; soportá sufrimentu, hasi trabou di predikadó di e bon notisia i kumpli ku bo deber komo sirbidó di Dios.

6Pa loke ta trata ami, ya e momento a yega ku mi sanger lo drama komo un sakrifisio na Dios; mi ora di muri ta tras di porta.

7Mi a lucha e bon lucha, mi a kore e kareda te na fin i mi a mantené mi fe.

8No a keda mi nada mas awor ku risibí e korona di hustisia ku Señor, e hues hustu, lo duna mi dia E bini bèk.Sabiduria 4:2; 5:16 No solamente ami, pero tur ku ta ward'É bini atrobe ku un deseo fervoroso.

Instrukshonnan personal

9Hasi tur bo posibel pa bo bini pronto serka mi,

10pasobra Demas,Kolosensenan 4:14; Filemon 24 mi kolaboradó, a bandoná mi, komo ku e tabata gusta kos di mundu. El a baha bai Tesalónika. Kreses a bai Galasia i Tito2 Korintionan 8:23; Galatanan 2:3; Tito 1:4 a bai Dalmasia.

11Ta LukasKolosensenan 4:14; Filemon 24 so ta aki huntu ku mi. Buska MarkoEchonan 12:12,25; 13:13; 15:37-39; Kolosensenan 4:10; Filemon 24 i tres'é ora bo bini; mi por hasi bon uso di su yudansa.

12Mi a manda TígikoEchonan 20:4; Efesionan 6:21-22; Kolosensenan 4:7-8 bai Éfese.

13Ora bo bini, bini ku e kapa ku mi a laga serka Karpo na Troas;Echonan 20:6 trese e ròlnan di buki tambe pa mi, spesialmente esunnan di kueru.

14Alexander,1 Timoteo 1:20 e platé ku ta traha ku koper, a hasi mi hopi daño; Señor lo dun'é su pago meresí!Salmo 62:12; Romanonan 2:6

15Abo tambe tene kuidou kuné; el a bai fuertemente kontra loke nos a bisa.

16Niun hende no a sostené mi e promé be ku mi mester a defendé mi kurpa den korte, al kontrario tur hende a laga mi na kaya! Mare Dios no tuma esei na kuenta!

17Pero Señor a sostené mi i a duna mi forsa pa asina mi por a prediká e bon notisia sin kita sin pone i tur pueblo no hudiu por a tend'é. Ademas El a libra mi di boka di leon!

18Dios lo libra mi di tur atake malbado i hiba mi su reino selestial sano i salvo. Gloria n'E den tur eternidat! Amèn.

Saludo final

19Kumindamentu pa Priskila i AkilaEchonan 18:2,18 i pa famia di Onesiforo.2 Timoteo 1:16-17

20ErastoEchonan 19:22; Romanonan 16:23 a keda na Korinte i mi a laga TrófimoEchonan 20:4; 21:29 malu na Mileto.

21Hasi lihé pa bo bini promé ku wenter kuminsá.

Kumindamentu di Eubulo, Pudens, Lino, Klaudia i tur e otro rumannan.

22Señor sea ku bo den profundidat di bo ser; su grasia sea ku boso tur!