Salmo 113 - Papiamentu Bible 2013(PB13)

SALMO 113Alabá sea bo nòmber, SEÑOR! Bo ta bon pa hende humildeAlabá sea SEÑOR!

1Sirbidónan di SEÑOR, alabá,

sí, alabá SEÑOR su nòmber.

2Alabá sea nòmber di SEÑOR

for di awor te den tur eternidat.

3Fo'i salida di solo te k'e baha

SEÑOR su nòmber mester ta alabá.

4SEÑOR ta altu elevá riba tur pueblo,

su gloria altu riba shelu.

5Ken ta manera SEÑOR nos Dios,

ku ta biba aya den altura;

6ku ta wak te den fondo abou

pa mira shelu i tera;

7ku ta hisa hende pober fo'i den stòf,

ta lanta un mizerabel for di sushi,

8pa pon'é sinta band'i hende importante,

band'i hendenan altu di pueblo;

9ku ta duna un ama ku n' por fruta

un lugá di honor den su kas

komo mama kontentu di su yunan!

Alabá sea SEÑOR!