Job 25 - Papiamentu Bible 2013(PB13)

Di tres diskurso di BildadE lugá humilde di hende den e grandioso plan di Dios

1E ora ei Bildad di Sua a rospondé:

2‘Dios su poder soberano ta temibel,

E ta imponé òrdu den shelunan di mas altu.

3Hende por konta su trupanan?

Tin huki skondí kaminda su lus no ta penetrá?

4Antó kiko un hende mester hasi awor,

pa Dios deklar'é hustu?

Kon un hende, nasé di muhé, por ta puru?

5Den bista di Dios

ni luna mes no ta bria basta kla,

ni streanan tampoko.

6Ki ta para pa hende?

Bichi e ta!

E shuri akí?

Lèbèlèbè 'i bichi e ta!’