Salmo 146 - Papiamentu Bible 2013(PB13)

SALMO 146Serka Dios so tin salbashon

1Alabá sea SEÑOR!

Mi alma, alabá SEÑOR!

2Mi ke alabá SEÑOR henter mi bida,

kanta alabá mi Dios

tanten ku mi tin bida i rosea.

3No konfia den grandinan di mundu,

den yu di hende ku no por salba bo.

4Ora e muri e ta bolbe bira tera;

a kaba ku su plannan e dia ei.

5Felis ta esun ku ta buska

su yudansa serka Dios di Yakob,

esun ku ta pone su konfiansa

henteramente den SEÑOR su Dios,

6kende a traha shelu i tera,

laman i tur loke tin den dje,

Dios ku ta fiel pa tur eternidat,

7ku ta husga na fabor di oprimidonan,

ta duna pan na esnan ku tin hamber.

SEÑOR ta kibra buinan di prezunan,

8SEÑOR ta duna siegunan nan bista;

SEÑOR ta lanta esnan ku ta kargá,

SEÑOR ta stima esnan ku ta honrado.

9SEÑOR ta protegé strañeronan,

ta sostené yunan sin mama i biudanan,

ma E ta bruha kaminda di mal hende.

10SEÑOR ta reina pa semper,

bo Dios, Sion, pa tur tempu!

Alabá sea SEÑOR!