1 Samuel 21 - Papiamentu Bible 2013(PB13)

David ta hui pa Saul

1David a kohe kaminda pa Nob pa e bai serka saserdote Ahimelèk.Mateo 12:3-4; Marko 2:25-26; Lukas 6:3 Tur nèrvioso Ahimelèk a sali topa David i puntr'é: ‘Kon bini bo ta bo so, sin ningun hende pa kompañá bo?’

2‘Òrdu di rei,’ David a kontestá. ‘Rei a duna mi un enkargo spesial i el a bisa mi ku ningun hende no mester sa nada di e asuntu akí. Mi a palabrá ku e hòmbernan ku ta bou di mi mando pa topa nan tal i tal kaminda.

3Pero al kaso, bo no tin nada di kome? Duna mi sinku pan òf loke bo tin.’

4‘Pan di kome tur ora mi no tin,’ e saserdote a kontestá, ‘pero pan konsagrá sí tin, bo por haña esei solamente si bo hòmbernan no tabatin relashon seksual ku hende muhé.’

5David a rospondé e saserdote: ‘Manera semper ora nos sali bai bringa, nos tabata alehá di hende muhé. I ounke aki ta trata di un biahe normal, e hòmbernan tabata limpi for di ora nos a sali. Kòrda awor!’

6E ora ei e saserdote a duna David e pan konsagrá,Levítiko 24:5-9 ya ku ta esei so tabatin. Riba sierto dia nan ta kita e pannan di ofrenda akí for di riba mesa di SEÑOR pa pone pan kayente na lugá.

7E dia ei un di e sirbidónan di Saul tambe tabat'ei; pa un òf otro motibu e mester a keda den santuario di SEÑOR. E tabata di Edom i su nòmber tabata Doeg; e tabata kabesante di e wardadónan di bestia di Saul.

8David a puntra Ahimelèk: ‘Bo por tin un lansa òf un spada pa mi? Pasobra e rospondi ku mi mester a hasi pa rei tabata asina urgente, ku mi no a haña chèns di kohe ni mi spada ni mi otro armanan.’

9E saserdote a kontestá: ‘Mi tin e spada di Goliat, e filisteo ku bo a mata den Vaye di Ekel.1 Samuel 17:51 At'é ei, lorá den un paña, tras di e efod. Si bo ke bo por bai kuné; no tin otro.’ David a kontestá: ‘No tin mihó ku esei, duna mi e.’

10E mes dia ei David a sigui ku su huida pa Saul i el a bai serka Akish, rei di Gat.

11E sirbidónan di Akish a bisa rei: ‘No ta David esei, rei di e pais? No ta p'e e muhénan a balia i kanta: “Saul a mata míles di hòmber, pero David a mata míles i míles?” ’1 Samuel 18:7; 29:5

12David a tende bon bon kiko nan a bisa i un miedu grandi pa rei AkishSalmo 56 Título hebreo a drent'é.

13P'esei el a hunga loko.Salmo 34 Título hebreo Ora nan a kohe tene, el a hasi manera hende razu, el a raska blatnan di e porta di siudat ku su uñanan i a kuminsá baba den su barba.

14Akish a bisa su sirbidónan: ‘Boso mes por mira ku e hòmber ei ta loko, pakiko boso ta tres'é pa mi?

15Mi no tin basta hende loko aki kaba ku boso a trese esun akí bin heringá ku mi? Kiko un hende asina ta hasi na mi kas?’