1SEÑOR a bisa Moises
2pa e partisipá na Aaron, na su yunan i na tur e israelitanan, e siguiente òrdunan di SEÑOR:
3‘Ora un israelita mata un toro, un karné òf un kabritu paden òf pafó di kampamentu,
4pues sin hiba e bestia na entrada di tènt di enkuentro pa, ei dilanti di santuario, present'é na SEÑOR komo ofrenda, mester konsider'é mes kulpabel ku ora e mata un hende; el a drama sanger! Mester sak'é for di komunidat di Israel.
5E regla ta obligá e israelitanan di no mata e bestianan den airu liber mas, pero hiba nan pa e saserdote na entrada di tènt di enkuentro, pa e saserdote ofres'é nan na SEÑOR komo sakrifisio di pas.
6E ora ei e saserdote ta sprengu e altá na entrada di tènt di enkuentro ku sanger di e bestia i despues e ta kima e sebu komo un ofrenda ku un holó agradabel pa SEÑOR.
7Asina e israelitanan lo stòp di ofresé sakrifisio na mal spiritu, ku nan sa adorá sin tene bèrgwensa di kibra fieldat ku Dios. Esaki ta un lei permanente pa tur generashon israelita.’
8Tambe Moises mester a duna e siguiente òrdu: ‘Ora un israelita òf strañero ku ta biba meimei di e israelitanan, ke ofresé un sakrifisio di kandela òf un otro sakrifisio,
9e mester hiba e bestia na entrada di tènt di enkuentro pa ofres'é na SEÑOR; si e no hib'é, mester sak'é for di komunidat di Israel.
Ta prohibí pa kome sanger10Si un israelita òf un strañero ku ta biba meimei di e israelitanan kome sanger, den ki forma ke sea, SEÑOR lo no ke mira e hende ei mas ku wowo i ta sak'é for di komunidat di Israel.Génesis 9:4; Levítiko 7:26-27; 19:26; Deuteronomio 12:16,23; 15:23
11Pasobra bida di kada kriatura ta den e sanger. SEÑOR a outorisá boso pa usa e sanger riba altá, pa drecha tur kos atrobe entre boso i Dios. En realidat ta e sanger ta pone ku boso ta haña pordon, pasobra t'é ta kargadó di bida.Hebreonan 9:22
12Esei ta e pakiko ku SEÑOR a bisa e israelitanan: “Niun di boso ni niun di e strañeronan ku ta biba meimei di boso no mester kome sanger.”
13Si un israelita òf strañero ku ta biba meimei di boso, yag riba un bestia òf para ku mag kome su karni, e mester laga sanger di e bestia basha abou na suela i despues tap'é ku tera.
14Pasobra bida di un kriatura ta den su sanger. P'esei SEÑOR a bisa e israelitanan: “No kome sanger di ningun kriatura, pasobra bida di tur kriatura ta den su sanger. Si kualke hende kome sanger, mester sak'é for di komunidat di Israel.”
15Si un israelita òf un strañero kome karni di un bestia ku muri un morto natural òf un bestia ku un otro bestia a mata, e mester laba su pañanan i dal un baño; e ta keda impuru te ora nochi sera; despues e ta puru atrobe.
16Si e no laba su pañanan ni dal un baño, e mester paga pa su piká.’
Who We AreWhat We EelieveWhat We Do
2025 by iamachristian.org,Inc All rights reserved.
