Ezekiel 23 - Papiamentu Bible 2013(PB13)

Ohola i Oholiba: Samaria i Herusalèm

1SEÑOR a dirigí palabra na mi:

2‘Hende, un dia tabatin dos ruman muhé,

22P'esei, Oholiba, SEÑOR, mi Dios, ta bisa bo lo siguiente: ‘Mi ta pone bo amantenan, ku bo a haña asko di dje, lanta kontra bo; di tur banda Mi ta laga nan ranka sali kontra bo,

23hòmbernan for di Bábel, for di e pais di kaldeonan, for di Pekod, for di Shoa i for di Koa i tambe tur asirio. Yònkumannan ku bon tipo nan ta, kansiernan i gobernadornan, ofisialnan i otro funshonarionan altu, sòldánan di kabayeria itrein.

24Nan lo ataká bo ku kabai ku garoshi, ku un ehérsito grandi i poderoso. Ekipá ku eskudo grandi i chikitu i hèlmu nan lo rondoná bo. Mi ta laga na nan pa husga bo, nan lo sentensiá bo segun nan mes leinan.

25Lo Mi laga bo sinti ku Mi no ta tolerá ningun amante banda di Mi. Nan lo baha nan rabia riba bo. Nan ta kòrta bo nanishi i oreanan kita afó i mata loke a sobra di bo habitantenan ku spada; nan lo bai ku bo yunan komo prezu i pega e siudat desolá na kandela.

26Nan ta ranka bo pañanan for di bo kurpa i hòrta bo prendanan for di bo.

27Asina Mi ta pone un fin na bo aktonan inmoral, na bo bida komo prostituta ku a kuminsá na Egipto. Lo bo no as mas pa otro amante ni kòrda nunka mas riba Egipto.’

28Esaki ta loke SEÑOR, mi Dios, ta bisa: ‘Mi ta entregá bo den poder di e hòmbernan ku bo ta odia, den poder di esnan ku bo tin asko di dje.

29Nan lo laga bo sinti nan odio, hòrta tur loke bo ta poseé fo'i bo i laga bo blo sunú atras; tur hende lo mira bo sunú bergonsoso. Pa motibu di bo aktonan inmoral i bo bida komo prostituta

30ta hasi asina ku bo, pa motibu di bo aktonan inmoral ku otro pueblonan, pasobra bo a hasi bo mes impuru ku nan diosnan falsu.

31Bo a sigui ehèmpel di bo ruman muhé. P'esei Mi ta laga bo tambe bebe for di e beker ku Mi a lag'é bebe for di dje.’

32Esaki ta loke SEÑOR, mi Dios, ta bisa:

‘E beker di bo ruman muhé lo bo bebe,

un beker hundu, hanchu;

e ta yen te na rant.

Ta hasi chèrchè di bo i hari bo,

33pasobra e ta hasi bo burachi

i hinka bo den desesperashon grandi:

e beker di bo ruman muhé Samaria

ta un beker di konsternashon i konfushon.

34Lo bo beb'é te den bòm,

mord'é kibra

i habri bo pechunan ku e skèrfnan.

Ami, SEÑOR, a papia.’

Esaki ta loke SEÑOR, mi Dios, ta bisa.

35‘Pasobra bo a lubidá Mi i a bira lomba pa Mi,’ SEÑOR, mi Dios, ta bisa, ‘lo bo karga e kastigu pa bo aktonan inmoral i bo bida komo prostituta.’

36SEÑOR a bisa mi: ‘Hende, bo ke husga Ohola i Oholiba? Laga nan mira e ora ei kon repugnante nan práktikanan ta.

37Nan a hasi nan kulpabel di adulterio i asesinato. Nan a drenta ku diosnan falsu i a ofresé nan asta e yunan ku nan a duna Mi, komo sakrifisio.

38Mas kos nan a hasi ku Mi: den e mesun tempu ei nan a hasi mi santuario impuru i a profaná mi dia di sabat.

39E mes dia ku nan a ofresé mi yunan komo sakrifisio na nan diosnan falsu, nan a bini mi santuario pa profan'é; asina nan a komportá den mi kas.

40Sí, asta bo a manda bo mensahero serka e hòmbernan na e paisnan leu i riba bo invitashon nan a bini. Pa nan bo a baña bo kurpa, pinta wowo i dòrna bo kurpa ku prenda.

41Bo a kai drumi riba un kama di prònk, miéntras mesa tabata drechá ku mí sensia perfumá i mí zeta riba dje.

42Un kantidat grandi di hende a bini serka dje i tabata tende bochincha di un multitut mashá kontentu. Banda di e hòmbernan ku tabat'ei kaba, a bini tambe hende burachi for di den desierto, ku a bistié armbant i pone un korona elegante riba su kabes.

43Mi a pensa den Mi mes: Nan ta bai asta serka un muhé gastá asina, nan ke drenta ku un hende asina?

44Nan tabata bai serka dje manera un hende ta bai serka un prostituta. Asina nan tabata bai serka Ohola i Oholiba, e muhénan ei ku tabata biba un bida parotin.

45Pero hòmbernan hustu lo husga nan segun e leinan ku ta konta pa muhénan adúltero i muhénan asesino.Génesis 9:6; Levítiko 20:10 Pasobra t'esei nan ta.’

46Esaki ta loke SEÑOR, mi Dios, ta bisa: ‘Laga e hendenan bini huntu pa maltratá nan i hòrta kos for di nan.

47Nan lo tira nan ku piedra mata i kap nan na pida pida ku spada, mata nan yunan i pega nan kasnan na kandela.

48Lo Mi pone un fin na e bida parotin den e pais akí. Esei lo ta un atvertensia pa tur otro muhé pa nan no biba manera e muhénan akí a biba.

49Lo laga boso paga pa boso aktonan inmoral i boso lo karga konsekuensia di boso pikánan ku e diosnan falsu. E ora ei boso lo rekonosé ku t'Ami ta SEÑOR Dios.’