1O Dios, no keda sin papia,
no keda ketu, sin move, o Dios!
2Tende nan borotá, bo enemigunan!
Esnan ku tin odio kontra Bo
ta lanta kabes.
3Nan ta forma un kòmplòt kontra bo pueblo,
ta traha plan kontra esnan ku Bo ta kuida.
4Nan ta grita: Ban kaba ku e pueblo ei,
di manera ku nòmber di Israel
no keda menshoná nunka mas.
5Tur di akuerdo nan a deliberá,
a sera un pakto kontra Bo:
6tèntnan di Edom i ismaelitanan,
Moab i yunan di Hagar,
7Guebal, Amon i Amalèk,
Filistea i habitantenan di Tiro;
8asta Ashur a sera ku nan,
un gran apoyo pa yunan di Lòt.
9Trata nan manera Midian,
manera Sísera, Yabin, na riu di Kishon;
10nan a keda destruí banda di En-Dor
i a sirbi di mèst pa kunuku.
11Trata nan lidernan meskos
ku Bo a trata Oreb i Zeeb;
hasi ku tur nan reinan
manera ku Zèbag i Salmuna,
12ku a bisa: Ban poderá
di e kunukunan fértil di Dios!
13Mi Dios, hasi nan manera plushi,
manera bagas den bientu.
14Manera kandela ku ta kima un mondi,
manera vlamnan ku ta kome seru limpi,
15persiguí nan meskos ku bo orkan;
laga nan ta asustá pa bo tormento,
16Tapa nan kara ku bèrgwensa,
pa nan puntra, SEÑOR, ken Bo ta.
17Laga nan ta humiliá i konfundí,
keda brongosá i peresé
18i komprondé ku Abo so yama SEÑOR,
alsá altu riba tur hende.
Who We AreWhat We EelieveWhat We Do
2025 by iamachristian.org,Inc All rights reserved.
