Salmo 87 - Papiamentu Bible 2013(PB13)

SALMO 87Nos lombrishi ta derá den siudat di DiosDi yunan di Korag. Un salmo. Un kantika.

1-2SEÑOR ta stima su siudat

fundá riba serunan santu;

portanan di Sion mas tantu

ku tur otro bibá di Yakob.

3Kos glorioso nan ta bisa di bo,

o siudat di Dios:

4‘Mi ta konta Egipto i Babilonia

den esnan ku ta rekonosé Mi;

mira Filistea, Tiro i Etiopia;

nan tur a nase aya!’

5Di Sion tur hende lo bisa:

‘Un pa un, tur a nase aya.

Dios Altísimo mes a fund'é.’

6SEÑOR lo skibi den registro di e pueblonan:

‘Tal i tal hende a nase aya.’

7Kantando i baliando nan lo bisa:

‘Ta den bo nos lombrishi ta derá.’