Salmo 2 - Papiamentu Bible 2013(PB13)

SALMO 2Dios i su rei skohí

1Di kon nashonnan ta rebelde

i pueblonan ta kònkel sin motibu?

2Reinan di mundu ta lanta,

gobernantenan ta sera kòmplòt

kontra SEÑOR i Esun Ungí:

3‘Laga nos ban kibra nan kadenanan,

ban libra nos kurpa di nan frenanan!’

4Riba su trono den shelu Dios ta hari,

sí, Señor ta hasi mofa di nan!

5Kaba E ta papia ku nan den su rabia,

ta yena nan ku sustu den su furia:

6‘T'Ami a nombra mi rei

riba Sion, mi seru sagrado.’

7Mi ke papia dje dekreto di SEÑOR.

E di ku mi: ‘Bo ta mi yu;

awe M'a duna bo bida.

8Pidi Mi numa i lo Mi duna bo

nashonnan pa bo manda riba dje,

delaster un skina di mundu lo ta di bo.

9Bo por plèchè nan ku bara di heru,

bo por garna nan manera un poron.’

10P'esei, reinan, usa kabes,

pensa bon, gobernantenan di mundu!

11-12Sirbi SEÑOR ku temor,

tembla i sunchi su pia,

p'E no rabia i boso muri na kaminda,

pasobra E ta rabia lihé!

Felis t'esnan ku ta konfia den djE!