Salmo 95 - Papiamentu Bible 2013(PB13)

SALMO 95Ban alabá SEÑOR i skucha su palabra

1Ban kanta ku legria pa SEÑOR,

grita saludá nos Baranka,

nos Dios ku ta trese salbashon.

2Ban presentá Su dilanti ku alabansa,

kanta su gloria ku salmo i músika.

3Pasobra SEÑOR ta un gran Dios,

un Rei grandi riba tur otro dios!

4E tin fondo di tera den su man,

kabes di serunan tambe ta di djE.

5Di djE ta laman, t'E a trah'é;

i tera firme, ta su man a model'é.

6Ban kai na rudia ador'É,

hinka rudia pa SEÑOR, nos Kreador,

7pa motibu ku E ta nos Dios

i nos ta e pueblo k'E ta kuida,

e karnénan guiá pa su man.

Awe boso skucha su bos:

8‘No sera kurason,

ounke nan a mira mi obranan.

10Kuarenta aña largu e pueblo a disgustá Mi.

Mi di: “Esta un pueblo solo birá!

Nan no kièr konosé mi kamindanan.”

11P'esei, den mi rabia, Mi a hura pa Mi mes:

E lugá di deskanso ku M'a warda pa nan,

hamas i nunka nan lo n' drenta den dje.’