Salmo 111 - Papiamentu Bible 2013(PB13)

SALMO 111Mi ta alabá Bo, Dios, pa tur bo obrananAlabá sea SEÑOR!

1Mi ke gaba SEÑOR di kurason,

den kompania, den reunion di fielnan.

2Grandioso ta SEÑOR su obranan,

digno di estudio pa ken ku stima nan.

3Su aktuashon ta sublime, glorioso,

su hustisia ta dura pa semper.

4E ke pa hende rekordá su milagernan,

SEÑOR ta tierno i yen di kompashon.

5El a duna su fielnan alimento,

rekordando su aliansa eternamente.

6El a mustra su pueblo su obranan potente,

tempu El a duna nan pais di otro pueblonan.

7Loke E ta hasi ta korekto, manera mester ta,

tur su mandamentunan ta digno di konfiansa;

8nan ta fiho i ta konta pa tur eternidat,

duná ku derecho i di akuerdo ku bèrdat.

9El a duna su pueblo libertat,

a ordená su aliansa pa semper.

Su nòmber ta ‘Dios Santu i temibel’.

10Prinsipio di sabiduria ta:

karga rèspèt pa SEÑOR;

tur esnan ku hasi esei tin sano huisio.

Alabansa di Dios lo n' kaba nunka.