Huan 1 - Papiamentu Bible 2013(PB13)

E palabra di bida a bira hende

1Na kuminsamentu e Palabra tabat'ei kaba i e Palabra tabata huntu ku Dios; e Palabra tabata Dios mes.

2T'É tabata na kuminsamentu huntu ku Dios.

3A krea tur kos pa medio di djE i sin djE nada no a haña eksistensia.

17Ta asina ku a risibí lei via Moises; bondat i fieldat a bini pa medio di Hesu-Kristu.

18Nunka niun hende no a mira Dios, ma su úniko Yu, pegá na Tata su kurason i Dios meskos ku Tata, a revelá ken Dios ta.Huan Boutista ta prediká(Mateo 3:1-12; Marko 1:2-8; Lukas 3:15-17)

19Outoridat hudiu a manda saserdote i levita pa puntra Huan ta ken e ta. El a duna e siguiente testimonio.

20E no a nenga i a deklará bon kla: ‘Ami no ta e Mesias!’

21E ora ei nan a puntr'é: ‘Ken bo ta antó? Elías?’

44Ta asina ku Filipo tabata di Betsaida, di mesun pueblo ku Andreas i Pedro.

45Awor Filipo na su turno a buska Natanaèl i bis'é: ‘Nos a topa esun ku tantu Moises den lei komo e profetanan ta papia di djE. Ta Hesus di Nazarèt, yu di Hosé.’

46Natanaèl a bis'é: ‘Akaso algu bon por sali for di Nazarèt antó?’ Filipo a kontest'é: ‘Bin mira!’

47Ora Hesus a mira Natanaèl ta bini, El a bisa: ‘Ata enberdat un israelita ku no konosé deshonestidat.’

48Natanaèl a puntr'É: ‘Kon bini bo konosé mi?’ Hesus a sigui bis'é: ‘Promé ku Filipo a yama bo, Mi a mira bo kaba bou di e palu di figo.’

49‘Rabi,’ Natanaèl a kontestá, ‘Bo ta e Yu di Dios;Mateo 16:15 t'Abo ta rei di Israel!’

50Hesus a bis'é: ‘Pasobra Mi a bisa bo ku Mi a mira bo sintá bou di e palu di figo, bo ta pone bo fe den Mi? Lo bo mira kosnan hopi mas grandi ku esaki!

51Mi ta sigurá bo: boso lo mira shelu habri i angelnan di Dios subi bahaGénesis 28:12 entre Dios i Yu di hende.’