Salmo 148 - Papiamentu Bible 2013(PB13)

SALMO 148Laga henter kreashon alabá Dios su grandesa

1Alabá sea SEÑOR!

Alabá SEÑOR for di shelu,

alab'É, boso tur ayariba!

2Alab'É, kornan di angel,

alab'É, su ehérsito na shelu!

3Alab'É, solo i luna,

alab'É, boso streanan briante!

4Alab'É, shelu altísimo

i tur awa ku tin riba firmamentu!

5Laga nan alabá SEÑOR su nòmber,

ya ku tur ta kreá pa su palabra.

6El a fiha nan ún be pa semper,

siguiendo su lei sin kibr'é nunka.

7Alabá SEÑOR, fo'i riba tera,

tur fondo di laman ku boso mònsternan,

8kandela, eis, sneu i neblina,

bientu fuerte ku ta kumpli ku su lei;

9boso, seru i seritunan tur,

palunan di fruta i di seder,

10bestianan feros i di kunuku,

reptilnan i paranan di pluma,

11reinan di mundu i tur pueblo,

prínsipe- i huesnan di mundu;

12yònkuman i mucha muhénan,

hende grandi i hóben tur huntu.

13Laga nan alabá SEÑOR su nòmber,

komo su nòmber so ta elevá,

su mahestat riba shelu i tera.

14El a duna su pueblo forsa grandi;

tur su fielnan ta kanta su alabansa,

yunan di Israel, su pueblo mas yegá.

Alabá sea SEÑOR!