1E ora ei Salomon a kuminsá traha e tèmpel pa SEÑOR na Herusalèm riba seru Moria, kaminda SEÑOR a aparesé na su tata David. David a kumpra e lugá kaminda Ornan, e yebusita, tabata bati trigo ku e meta ei.
2E di dos luna den e di kuater aña di su reinado Salomon a kuminsá traha.
3Pa konstrukshon di e tèmpel di Dios, Salomon a traha un plan segun e midí sagrado. E tèmpel tabata trinta meter largu i dies meter hanchu.
4E portal dilanti di e sala grandi den tèmpel tabata dies meter largu meskos ku e hanchura di e tèmpel i sesenta meter hundu. El a laga fura paden ku oro puru.
5El a laga fura e sala grandi ku palu di siprès i a fura esaki ku oro puru i a traha diseño di palma i kadena den dje.
6El a laga dòrn'é ku piedra presioso.
7E oro tabata bini di Parwaim. Asina el a laga fura e sala ku su balkinan, su drempinan, su murayanan i su portanan. Den e murayanan el a laga graba figura di kerubin.
8E sala patras, e lugá santísimo,
14El a laga traha e kortina dilanti di lenen fini koló blou püs, kòrá püs i kòrá bibu ku figura di kerubin aden.
15Despues el a laga traha dos pilá ku el a laga pone dilanti di tèmpel. Nan tabata diesshete meter i mei altu. Riba kada pilá tabatin un kapitel di dos meter i mei.
16E kadenanan ku el a laga traha el a pone ariba na kabes di e pilánan; despues el a laga traha shen granatapel i a laga pega nan na e kadenanan.
17El a laga pone e pilánan na entrada di tèmpel, un na man drechi, un na man robes. Esun na man drechi el a yama Yakin i esun na man robes Boaz.
Who We AreWhat We EelieveWhat We Do
2025 by iamachristian.org,Inc All rights reserved.
