1henter pueblo a bini manera un solo hòmber huntu na Herusalèm a bisa nan: ‘Bai, kome kuminda sabroso i bebe bibida dushi; parti ku esnan ku no tin nada, pasobra e dia akí ta konsagrá na nos SEÑOR; boso no mester ta tristu, buska forsa den alegria di SEÑOR.’
11E levitanan tambe a kalma e hendenan. Nan a bisa: ‘No yora mas, pasobra e dia akí ta konsagrá na SEÑOR, boso no mester ta tristu.’
12E ora ei e hendenan a bai kome, bebe, parti ku otro, hasi fiesta, pasobra nan a komprondé loke nan a tende e dia ei.
13E di dos dia, e kabesnan di famia di henter pueblo, e saserdotenan i e levitanan a bai serka dòktor di lei Esdras pa nan studia e lei mas profundo.
14Nan a deskubrí lo siguiente: Lei ku SEÑOR a duna pa medio di Moises ta preskribí ku durante e fiesta den e di shete luna, e israelitanan mester biba den ramada.
15Tambe nan mester a saka e siguiente dekreto pa tur nan siudatnan i pa Herusalèm: ‘Sali bai den seru i buska taki di palu di oleifi shimaron i otro tipo di oleifi, di mirta, di palma i di otro palu ku hopi blachi pa traha ramada manera ta preskribí.’
16E pueblo a sali bai buska taki i nan a traha ramada, algun riba nan dak, otronan den nan kurá. Tambe nan a traha ramada riba e plenchinan di tèmpel, riba e plenchi di Porta di Awa i esun di Porta di Efraim.
17Henter e komunidat israelita, tur esnan ku a bolbe for di den eksilio, a traha ramada, bai biba den nan. Esaki ta algu ku no a sosodé for di tempu di Yozue, yu di Nun. Tabata reina un gran alegria.
18Shete dia largu nan a hasi fiesta i for di e promé dia te e último, Esdras tabata lesa for di e lei di Dios. Riba e di ocho dia tabatin un reunion di fiesta pa klousurá segun ta preskribí.
Who We AreWhat We EelieveWhat We Do
2025 by iamachristian.org,Inc All rights reserved.
