Numbernan 32 - Papiamentu Bible 2013(PB13)

Tres tribu ta haña teritorio na parti ost di Yordan(Deuteronomio 3:12-22)

1Tribu di Ruben i tribu di Gad tabatin hopi bestia di kria. Ora nan a mira ku e teritorio di Yazer i Guilead tabata un bon region pa e bestianan,

2nan a bai serka Moises, serka saserdote Eleazar i serka e hefenan di e komunidat i bisa:

3‘E pais akí ku e siudatnan Atarot, Dibon, Yazer, Nimra, Hèshbon, Elalé, Sebam, Nebo i Beon,

4ku SEÑOR a konkistá pa e komunidat di Israel, ta un bon pais pa tene bestia di kria i nos tin hopi bestia di kria.’

5‘Si bo ta haña ta bon,’ nan a sigui bisa, ‘duna bo sirbidónan e pais akí pa keda kuné i no manda nan pasa riu di Yordan.’

6Moises a kontestá: ‘Boso ke keda aki, miéntras e otro israelitanan ta bai bringa den guera?

7Boso ke deskurashá e otronan di krusa Yordan i drenta e pais ku SEÑOR a duna nan?

8Ta meskos ku boso antepasadonan a hasi, dia mi a manda nan for di Kadesh-Barnea bai eksplorá e pais, ku SEÑOR a duna nan.

9Nan a penetrá drenta te na e vaye di Eshkol i a eksplorá e pais. Despues nan a deskurashá e israelitanan, di manera ku e israelitanan no ker a drenta e pais, ku SEÑOR a regalá nan.

33E ora ei Moises a duna tribu di Gad i tribu di Ruben i mitar tribu di Manase, yu hòmber di Yosef, e reino di Sihon, rei di e amoritanan, i reino di Og, rei di Bashan, henter e pais ku su siudatnan i e teritorio rondó di e siudatnan.

34Tribu di Gad a rekonstruí e siudatnan reforsá: Dibon, Atarot, Aroer,

35Atrot-Shofan, Yazer, Yogbaha,

36Bet-Nimra i Bet-Haran; tambe nan a traha e kuránan pa karné.

37Tribu di Ruben a rekonstruí e siguiente siudatnan den nan teritorio:

38Hèshbon, Elalé, Kiriataim, Nebo, Baal-Meon (e siudat akí a haña un otro nòmber) i Sibma. Nan a duna e siudatnan ku nan a rekonstruí nòmber nobo.

39E desendientenan di Makir, yu hòmber di Manase, a sali bai Guilead, konkist'é i kore ku e amoritanan ku tabata biba aya.

40Moises a duna e desendientenan di Makir, Guilead, i nan a keda biba aya.

41Yair, desendiente di Manase, tambe a sali bai konkistá nan pueblonan i yama nan: Pueblo di Yair.

42Nobag tambe a sali bai konkistá Kenat ku e siudatnan rondó di dje i a duna Kenat su mes nòmber, esta Nobag.