1-2E levita Korag, Despues SEÑOR a bisa Moises:
37‘Bisa Eleazar, yu hòmber di saserdote Aaron, pa e saka e panchinan di kandela for di e vlamnan i tira e karbonnan sendé afó, pasobra e panchinan a bira konsagrá na Mi.
38Traha di e panchinan ku a kosta bida di e pekadónan, plachi fini pa fura e altá. Komo a trese nan pa Mi, nan ta konsagrá. Asina nan lo ta un señal pa e israelitanan.’
39Saserdote Eleazar a kohe e panchinan di bròns ku tabata di e hendenan ku a kima, traha plachi fini di nan i a fura e altá,
40manera SEÑOR a ordená Moises. Nan ta rekordá e israelitanan, ku un hende no outorisá, un hende ku no ta pertenesé na e famia di Aaron, no mag bini dilanti pa ofresé SEÑOR sensia. Lo pasa kuné manera a pasa ku Korag i su kompañeronan.
41Pero e dia siguiente henter komunidat a lanta ku Moises ku Aaron i bisa: ‘Boso a mata pueblo di SEÑOR!’
42Henter komunidat a bòsha rondoná Moises ku Aaron. Pero ora nan a wak tènt di enkuentro, nan a mira ku e nubia tabata tap'é i ku SEÑOR su gran splendor a aparesé.
43E ora ei Moises ku Aaron a bai parti dilanti di e tènt di enkuentro i
44SEÑOR a bisa Moises:
45‘Bai for di e komunidat akí pa Mi destruí nan umbe.’ E ora ei nan a kai na rudia resa.
46Moises a bisa Aaron: ‘Kohe un panchi di kandela, pone den dje karbon sendé for di riba altá i pone sensia ariba; bai inmediatamente serka e komunidat i drecha tur kos atrobe entre nan i SEÑOR, pasobra E ta laga su ira baha sin mizerikòrdia i e desaster a kuminsá kaba.’
47Aaron a pura bai ku e panchi di kandela serka e komunidat i enberdat ya e desaster a kuminsá bou di e pueblo. El a pone sensia den e panchi i a drecha tur kos atrobe entre pueblo i SEÑOR.
48El a bai para meimei di e esnan ku a muri kaba i esnan ku tabata na bida ainda i e desaster a para.
49Debí na e desaster tabatin 14.700 morto, fuera di esnan ku a muri pa Korag su via.
50Despues ku e desaster a para, Aaron a bai bèk serka Moises na tènt di enkuentro.
Who We AreWhat We EelieveWhat We Do
2025 by iamachristian.org,Inc All rights reserved.
