Ezekiel 40 - Papiamentu Bible 2013(PB13)

Vishon tokante un tèmpel nobo den un pais renobá(kapítulonan 40—48)

1Tabata e di dies dia di e promé luna di e di bintisinku aña di nos eksilio i e di dieskuater aña despues di kaida di Herusalèm. Presisamente riba e dia ei SEÑOR a poderá di mi

2i den un vishon El a hiba mi e pais Israel. Aya El a pone mi riba un seru mashá altu. Na parti zùit di e seru ei tabatin algu konstruí ku tabata parse un siudat. e hal tabata kuater meter hundu i e murayanan na kada banda di e salida, patras den e hal, tabata un meter hanchu.

11Tambe e hòmber a midi e entrada di e edifisio di entrada. Si e entrada ei tabata habrí, tabata sinku meter i inkluso e portanan seis meter i mei.

12Dilanti di e kambernan na banda, kada un tres pa tres meter, tabatin na kada banda di e pasio un muraya di mei meter altu.

13Despues el a midi e distansia for di e muraya di patras di un di e kambernan te na e muraya di patras di e kamber su dilanti: diesdos meter i mei; asina hanchu e edifisio di entrada tabata.

14El a midi tambe hanchura di e hal ku tabata sali riba e plenchi di tèmpel: dies meter. Na tres banda di e hal tabata haña e plenchi di tèmpel.

15Largura di henter e edifisio, for di e entrada na parti dilanti te na fin di e hal, tabata bintisinku meter.

16Tabatin na tur banda den e edifisio, den e kambernan na banda, den e murayanan meimei i den e hal, bentana ku trali; muraya di e bentana tabata bai aden. E murayanan meimei tabata dòrná ku pinturanan di palma.

E plenchi parti pafó di tèmpel

17E ora ei el a hiba mi e plenchi parti pafó. Rant di e plenchi tabata di mosaiko i trinta kuartu tabata sali riba e plenchi ei.

18A pone mosaiko na tur dos banda di e edifisionan di entrada i e partinan ku mosaiko tabata mes hanchu ku e edifisionan di entrada akí ku tabata sali riba e plenchi. E plenchi tabata mas abou ku e plenchi parti paden.

19E hòmber a midi e distansia entre e muraya di patras di e edifisio di entrada parti pafó i di e edifisio di entrada ku tabata sali riba e plenchi parti paden: sinkuenta meter. Esei tabata parti ost, awor tokante parti nort.

E edifisio di entrada di mas pafó na parti nort

20Tambe e hòmber a midi awor e largura i hanchura di e edifisio di entrada na parti nort di e plenchi parti pafó.

21E tres kambernan na kada banda di e pasio, e murayanan meimei i e hal tabatin mesun midí ku esunnan di e edifisio di entrada na parti ost.

22E bentananan di e hal i e adornonan di palma tabata kuadra kompletamente ku esunnan di e edifisio di entrada na parti ost. Via di shete tret tabata drenta e edifisio akí. E hal tabata keda parti paden.

23Enfrente di e edifisio di entrada akí na parti nort tabatin tambe un edifisio di entrada ku tabata sali riba e plenchi parti paden, meskos ku na e edifisio di entrada na parti ost. El a midi e distansia entre e dos edifisionan: sinkuenta meter.

E edifisio di entrada di mas pafó na parti zùit

24Despues e hòmber a hiba mi na parti zùit. Aya tambe tabatin un edifisio di entrada. El a kohe midí di e murayanan meimei i di e hal; nan tabata kuadra ku esunnan di e otro edifisionan.

25Tur kaminda tabatin bentana, den e hal tambe. E bentananan tabata meskos ku esunnan di e otro edifisionan di entrada. Largura di e edifisio tabata bintisinku meter, e hanchura diesdos meter i mei.

26Via shete tret tabata drenta e edifisio di entrada akí. E hal tabata keda parti paden. E murayanan na tur dos banda di e hal tabata dòrná ku palma.

27Enfrente di e edifisio di entrada akí na parti zùit tambe tabatin un otro edifisio di entrada ku tabata sali riba e plenchi parti paden. El a midi e distansia entre e dos edifisionan: sinkuenta meter. E edifisio di entrada akí tabata na parti zùit.

E edifisio di entrada di mas paden na parti zùit

28E ora ei e hòmber a pasa dor di e edifisio di entrada na parti zùit hiba mi e plenchi parti paden. El a midi e edifisio di entrada di zùit: e midínan tabata meskos ku esunnan di e otro edifisionan di entrada.

29E kambernan na banda, e murayanan meimei i e hal tambe tabatin e mesun midínan. Den e edifisio i tambe den e hal tabatin bentana na banda. E edifisio di entrada tabata bintisinku meter largu i diesdos meter i mei hanchu.

31E hal tabata sali riba e plenchi parti pafó. E murayanan meimei tabata dòrná ku palma. Via ocho tret tabata drenta e edifisio di entrada akí.

E edifisio di entrada di mas paden na parti ost

32Despues e hòmber a hiba mi na banda ost di e plenchi parti paden. El a midi e edifisio di entrada: e midínan tabata meskos ku esunnan di e otro edifisionan di entrada.

33E kambernan na banda, e murayanan meimei i e hal tambe tabatin mesun midí. Den e edifisio i tambe den e hal tabatin bentana tur banda. E edifisio di entrada tabata bintisinku meter largu i diesdos meter i mei hanchu.

34E hal tabata sali riba e plenchi parti pafó. E murayanan meimei tabata na tur dos banda dòrná ku palma. Via ocho tret tabata drenta e edifisio akí.

E edifisio di entrada di mas paden na parti nort

35E ora ei e hòmber a hiba mi e edifisio di entrada na parti nort. El a midié: e midínan tabata igual na esunnan di e otro edifisionan di entrada;

36meskos ku esunnan di e kambernan na banda, e murayanan meimei i e hal; den e edifisio tabatin bentana tur banda. E edifisio tabata bintisinku meter largu i diesdos meter i mei hanchu.

37E hal tabata sali riba e plenchi parti pafó. E murayanan meimei tabata na tur dos banda dòrná ku palma. Via ocho tret tabata drenta e edifisio akí.

Mesanan pa prepará sakrifisio

38Serka di e edifisio di entrada na parti nort aki tabatin un kamber ku tabata sali riba e hal. Den e kamber akí tabata spula e pida karninan pa sakrifisio di kandela.

39Den e hal mes tabatin na tur dos banda dos mesa riba kua tabata mata e bestianan pa sakrifisio di kandela, sakrifisio pa pordon di piká i sakrifisio di debe.

40Pafó na e entrada, kontra di e murayanan na banda di e hal, tabatin tambe dos mesa na kada banda.

41Tabatin anto na kada banda di e entrada di porta kuater mesa, huntu ocho, pa mata bestia ariba.

42E kuater mesanan pa sakrifisio di kandela tabata di piedra ikap, tres kuart meter largu, tres kuart meter hanchu i mei meter altu. Pa e hèrmèntnan ku tabata usa pa mata i kima bestia

43a traha un rant di un man hanchu ku tabata sali kantu di henter e muraya di e edifisio. Riba e mesanan mes tabata pone e karni pa sakrifisionan.

44Na e plenchi parti paden tabatin dos kuartu mas: esun tabata banda di e edifisio di entrada na parti nort i tabatin bista riba zùit, e otro tabata banda di e edifisio di entrada na parti zùit i tabatin bista riba nort.

45E hòmber a bisa mi: ‘E kuartu kara pa zùit ta destiná pa saserdotenan ku ta tene sirbishi den tèmpel.

46E otro kuartu kara pa nort ta pa e saserdotenan ku ta tene sirbishi na altá. Eseinan ta e desendientenan di Sadok, e úniko levitanan ku tin mag di drenta santuario pa sirbi SEÑOR.’

E plenchi parti paden i e tèmpel

47E hòmber a midi e plenchi parti paden; e tabata firkant, sinkuenta pa sinkuenta meter. E altá tabata dilanti di e tèmpel.

48El a hiba mi e sala di entrada di e tèmpel i a kohe midí di e murayanan na tur dos banda di e entrada. Nan tabata dos meter i mei hanchu. Entrada di e edifisio di tèmpel tabata shete meter hanchu, e murayanan na kada banda tabata un meter i mei hanchu.

49E sala di entrada tabata dies meter hanchu i seis meter largu. Via di dies tret tabata drenta e tèmpel. Banda di e entrada tabatin dos pilá, na kada banda un.