2 Krónikanan 33 - Papiamentu Bible 2013(PB13)

Manase, rei di Huda(2 Reinan 21:1-18)

1Manase tabatin diesdos aña dia el a bira rei. El a goberná 55 aña na Herusalèm.

2Manase tabata hasi loke ta malu den bista di SEÑOR.

20Manase a bai sosegá i a der'é na su palasio. Su yu Amon a siguié komo rei.

Amon, rei di Huda(2 Reinan 21:19-26)

21Amon tabatin 22 aña dia el a bira rei. El a goberná dos aña na Herusalèm.

22Amon a hasi loke ta malu den bista di SEÑOR, meskos ku su tata Manase. El a adorá tur e imágennan ku su tata a lanta i a ofresé sakrifisio na nan.

23Kontrali na su tata e no a rekonosé su faltanan humildemente, al kontrario su faltanan tabata bira mas tantu.

24E sirbidónan di Amon a traha un kòmplòt kontra dje i a mat'é den su palasio.

25Pero pueblo di Huda a mata tur esnan ku a traha kòmplòt kontra rei Amon i a hasi Yosías, yu di Amon, rei na su lugá.