Deuteronomio 4 - Papiamentu Bible 2013(PB13)

Moises ta konsehá pueblo pa nan atené na lei di Dios

1Israel, skucha e leinan i e reglanan ku mi ta bai siña boso i kumpli ku nan. E ora ei boso ta keda na bida i boso ta drenta i tuma e pais ku SEÑOR, Dios di boso antepasadonan, ta bai duna boso.

2No kita nada afó, ni pone nada aserka. Kumpli ku e mandamentunan di SEÑOR, boso Dios, ku mi ta bai ordená boso.Introdukshon riba Moises su enseñansa

44Aki ta sigui e lei ku Moises a duna e israelitanan.

45Huntu ku e stipulashonnan di e aliansa e ta kontené e leinan i e reglanan ku Moises a preskribí e israelitanan durante nan biahe for di Egipto.

46Moises a anunsiá nan na e otro banda di Yordan, den e vaye dilanti di Bet-Peor, den pais di Sihon, rei di e amoritanan, ku tabata biba na Hèshbon. E rei akí Moises i e israelitanan a derotá durante nan biahe for di Egipto i

47nan a kita tantu su pais komo esun di Og, rei di Bashan. Sihon i Og tabata e dos reinan amorita ku tabata goberná na parti ost di Yordan:

48Nan region tabata kore for di e siudat Aroer na riu Arnon te na seru di Sirion — esta Hermon —

49inkluso henter e vaye na parti ost di Yordan, i te na Laman Morto na zùit, te na pia di e serunan di Pisga.