1Na unda bo amor a bai antó,
mucha bunita?
Kua direkshon el a kohe?
Nos ke yuda bo busk'é.
Mucha muhé2Mi amor a tumba pa su hòfi,
bai n'e kamanan di yerb'i bálsamo
pa gosa barika yen den su matanan
i piki leli.
3Mi ta di mi amor
i mi amor ta di mi.
E ta gosa barika yen
meimei dje lelinan.Mucha hòmber
4Bo ta bunita, dushi di mi,
mes bunita ku e siudat Tirsa,
mes elegante ku Herusalèm,
ma tambe fasinante
manera un ehérsito marchando tra'i bandera.
5No wak mi asina,
bo wowonan ta tolondrá mi.
Bo kabei ta pone mi kòrda
trupa di kabritu dartu,
ku manera ola ta lora baha for di serunan di Guilead.
6Bo djentenan parse un trupa di karné,
ora nan sali fo'i bak'i awa,
kada un ku su pia di ohochi,
niun no ta so.
7Tras di bo belo bo dos band'i karanan
ta rondó i kòrá
manera dos mitar granatapel.
Kanto di AmorMucha hòmber8Tin sesenta reina, ochenta konkubina,
un sin número di mucha muhé,
9pero manera mi palomita, ún so tin,
e so ta perfekto.
Pa su mama no tin manera e,
den su bista e ta esun di mas bunita.
E mucha muhénan ku mir'é
ta konsider'é felis;
e reina- i konkubinanan ta elogi'é:
10‘Ken ta pinta manera ourora,
ta kla manera luna,
radiante manera solo,
fasinante manera un ehérsito marchando tra'i bandera?’
11M'a tumba p'e hòfi di pal'i nechi
pa mira si spreitnan a sali den vaye,
si matanan di wendrùif a rama kaba
i si palunan di granatapel ya a floria.
Mucha muhé12Mi no ta kaba di komprondé,
t'asina mi ta,
kargando energia di mi pueblo noble.(Otronan)
13 Otra, otra, Shulamita!
Drei rònt, drei rònt,
nos ke gosa bo!
Mucha hòmberKi gosa Shulamita kiko!
E ta eksperto antó den baile di dos kampo?
Who We AreWhat We EelieveWhat We Do
2025 by iamachristian.org,Inc All rights reserved.
