Salmo 51 - Papiamentu Bible 2013(PB13)

SALMO 51Mi a peka, SEÑOR, pordoná miPa maestro di kanto. Un salmo di David. Despues ku profeta Natan tabata serka dje pa motibu ku el a peka ku Bat-Shèba.

P'esei, bo sentensia ta hustu

i ireprochabel ta bo huisio.

5Mira, den kulpa mi a nase,

pekadó mi mama a konsebí mi.

6Ma Bo ta gusta bèrdat, te den fondo!

Pues, inkulká den mi paden sabiduria.

7Purifiká mi ku hisopo

8Laga mi tende di fiesta i alegria

pa mi wesunan kibrá por ta kontentu.

9Kita bo bista for di mi pikánan

i mi maldatnan, kita nan tur.

10Krea den mi un kurason, Dios, ku ta limpi,

hinka un spiritu nobo i fiel den mi paden.

11No tira mi leu di bo Kara,

no kita bo spiritu santu fo'i mi.

12Salba mi! Debolbé mi mi alegria,

laga un spiritu generoso ta mi forsa.

13Lo mi mustra malechornan bo kaminda

i pekadónan lo bolbe serka Bo.

14Manchá di sanger mi ta — Dios, libra mi,

(o Dios, Abo, mi Salbador)

anto mi lenga lo gaba bo hustisia.

15Señor, habri mi lepnan

i mi boka lo kanta bo alabansa.

16Pasobra Bo n' ta gusta sakrifisio;

si m'a kima un bestia pa Bo,

lo e no a kai na bo agrado.

17Mi sakrifisio na Dios: mi kontrishon!

Un kurason kibrá i arepentí,

o Dios, Bo no ta despresiá.

18Den bo kariño hasi bon na Sion,

bolbe lanta murayanan di Herusalèm.

19Lo bo gosa sakrifisionan legítimo,

ofrendanan kimá henteramente;

i nan lo trese toronan yòn

pa ofresé nan riba bo altá.